बीड येथे एस्.टी. बस आणि ट्रक यांची धडक होऊन भीषण अपघात !

६ जणांचा जागीच मृत्यू, तर ८ जण गंभीर घायाळ

बीड – येथे ९ जानेवारी या दिवशी एस्.टी. बस आणि ट्रक यांची धडक होऊन भीषण अपघात झाला. लातूर-अंबाजोगाई रस्त्यावर बस आणि ट्रक यांची धडक झाली. या धडकेत ६ जणांचा जागीच मृत्यू झाला आहे, तर ८ जण गंभीर घायाळ झाले आहेत. अपघात इतका भीषण होता की, बस आणि ट्रक यांचा चुराडा झाला असून बचावकार्यासाठी घटनास्थळी क्रेन बोलवण्यात आली होती. घायाळ झालेल्यांना उपचारासाठी रुग्णालयात भरती करण्यात आले आहे.

(सौजन्य : महाराष्ट्र टाइम्स)

या अपघाताची माहिती मिळताचा स्थानिक ग्रामस्थांनी साहाय्यासाठी घटनास्थळी धाव घेतली. अपघातामुळे या मार्गावर वाहतूक कोंडी होऊन रस्त्याच्या दोन्ही बाजुंना वाहनांच्या रांगाच रांगा लागल्या होत्या.