इंग्रजी भाषेतील मोठ्या (कॅपिटल) आणि लहान (स्मॉल) अक्षरांच्या निर्मितीमागील सूक्ष्मातील प्रक्रिया !

‘इंग्रजी भाषेत मोठी (कॅपिटल) (A, B, C….) आणि लहान (स्मॉल) (a,b, c…. ) अशी दोन्ही अक्षरे का असतात ? इंग्रजी वाक्याचा आरंभ नेहमी ‘कॅपिटल’ अक्षराने का केला जातो ?’, यांविषयी देवाच्या कृपेमुळे मला सूक्ष्मातून प्राप्त झालेले ज्ञान पुढे दिले आहे. 

१. ‘मही’ याने इंग्रजी भाषेची निर्मिती करणे 

संस्कृत भाषेचे महत्त्व जाणून ती नष्ट करण्यासाठी ५ व्या पाताळातील ‘मही’ याने इंग्रजी भाषेची निर्मिती केली. ‘मही’ याने उपासना करून भगवान शिवाकडून ‘शब्दाली’ या नावाची सिद्धि प्राप्त केली. ही तमोगुणी सिद्धि आहे. (टीप १)

१ अ. ‘शब्दाली’ने इंग्रजी भाषेत प्रथम मोठी (कॅपिटल) आणि त्यानंतर लहान (स्मॉल) अक्षरे असलेली लिपी सिद्ध करणे : ‘शब्दाली’ने प्रथम मोठ्या (कॅपिटल) अक्षरांची निर्मिती केली; परंतु ‘मही’ त्यावर समाधानी नव्हता. त्याने ‘शब्दाली’ला शब्दांचे आणखी संशोधन करण्याची आज्ञा दिली. तेव्हा ‘शब्दाली’ने लहान (स्मॉल) अक्षरे असलेली लिपी सिद्ध केली. ते पाहून ‘मही’ ‘शब्दाली’वर प्रसन्न झाला.

२. ‘इंग्रजी’ या शब्दाची उत्पत्ती कशी झाली ? 

‘इंग्रज’ या शब्दाची उत्पत्ती ‘अग्रज’ या शब्दापासून झाली आहे. ‘अग्र’ म्हणजे ‘आधी’ आणि ‘ज’ या शब्दाचा अर्थ ‘सर्वांत आधी. इंग्रजी भाषेच्या निर्मितीसाठी सर्वप्रथम कार्य करणार्‍याला ‘अग्रज’, असे म्हटले आहे. ‘अग्रज’ या शब्दातून ‘इंग्रज’ आणि त्यानंतर ‘इंग्रजी’ या शब्दांची निर्मिती झाली.

३. इंग्रजी वाक्याचा आरंभ नेहमी मोठ्या (कॅपिटल) अक्षराने करण्यामागील कारणे

३ अ. इंग्रजी लिखाणाचा आरंभ मोठ्या अक्षराने केल्याने वाचक त्याकडे सहजतेने आकर्षित होणे : इंग्रजी लिखाणाच्या आरंभी असलेले मोठे (कॅपिटल) अक्षर व्यक्तीला सहजतेने वाचता येते आणि ती त्या लिखाणाकडे आकर्षित होते. ‘शब्दाली’ या सिद्धीने व्यक्तीच्या प्रकृतीतील या पैलूचा विचार करून इंग्रजी लिखाणात मोठे (कॅपिटल) अक्षर वाक्याच्या आरंभी ठेवले.

३ आ. इंग्रजी लिखाणात पहिले अक्षर मोठे (कॅपिटल) काढल्याने त्यातील स्पंदने वाचकाचे गुदद्वार आणि मूलाधारचक्र यांवर आघात करत असणे : इंग्रजी भाषेत लिखाणाच्या आरंभी मोठ्या (कॅपिटल) अक्षराचा उपयोग केल्याने त्या अक्षरातील स्पंदने स्त्री आणि पुरुष वाचकांचे गुदद्वार अन् मूलाधार चक्र यांवर आघात करतात. त्यामुळे स्त्री किंवा पुरुष वाचकांच्या मूलाधार चक्रातील ईश्वरी ऊर्जा काही अंशी न्यून होते.

३ इ. ‘शब्दाली’ने इंग्रजी भाषेतील मोठ्या (कॅपिटल) अक्षरांच्या समवेत लहान (स्मॉल) अक्षरे निर्माण करण्यामागील कारण : ‘शब्दाली’ या सिद्धीला ( टीप १ ) भगवान शिवाच्या उपासनेद्वारे ‘इंग्रजी भाषेत लिखाणाचा आरंभ मोठ्या अक्षराने करावा’, हे ज्ञान प्राप्त झाले.

३ इ १. ‘खल’ या गणाचे वैशिष्ट्य : ‘शब्दाली’ला (टीप १) भगवान शिवाची ‘सांबारी विद्या’ प्राप्त झाली; परंतु या विद्येतील ज्ञान अतिशय गूढ आणि सांकेतिक होते. त्यामुळे तिला या विद्येचा उपयोग करता येत नव्हता. तेव्हा ‘हे ज्ञान समजण्याची क्षमता भगवान शिवाचा गण ‘खल’ याच्याकडे आहे’, हे ‘मही’ याला समजले. (‘खल’ हा तमोगुणी गण आहे.) त्यानंतर ‘मही’ याने भगवान शिवाच्या उपासनेला आरंभ केला. तेव्हा ‘मही’ याला भगवान शिवाकडून काही काळासाठी इंग्रजी भाषेच्या कार्यासाठी ‘खल’ हा गण प्राप्त झाला.

या गणाला व्यक्तीच्या शरीर चक्राचे ज्ञान असते. शरीर चक्रामध्ये व्यक्तीच्या शरिरातील स्थूल आणि सूक्ष्म या घटकांविषयीचे ज्ञान हे विविध चक्रांद्वारे वर्णन केलेले असते. त्याला ‘व्यक्तीच्या शरिरातील चक्रगणित’, असे म्हणतात.

१. व्यक्तीचे पहिले चक्र : यामध्ये व्यक्तीच्या शरिरातील स्थूल आणि सूक्ष्म ऊर्जाप्रवाह असतात.

२. दुसरे चक्र : यात व्यक्तीच्या मनाचे अंतर्भाग आणि बहिर्भाग असतात.

३. तिसरे चक्र :  व्यक्तीची बुद्धी असते.

४. चौथे चक्र :  यात व्यक्तीची कुंडलिनी चक्रे असतात.

५. पाचवे चक्र : यात पंचप्राण असतात.

३ इ २. ‘शब्दाली’ने ‘खल’ या गणाच्या मार्गदर्शनाखाली इंग्रजी भाषेतील लहान (स्मॉल) शब्दांची निर्मिती करणे : ‘मही’ याला इंग्रजी भाषेचे कार्य करण्यासाठी भगवान शिवाकडून ‘खल’ हा गण प्राप्त झाला. ‘मही’ने ‘शब्दाली’ला इंग्रजी भाषेत ‘खल’ या गणाचे मार्गदर्शन घेण्यास सांगितले. ‘खल’ या गणाने केलेल्या मार्गदर्शनानुसार ‘शब्दाली’ने इंग्रजी भाषेत लहान अक्षरे (स्मॉल लेटर्स) आणि त्यांचे शब्द लिपीबद्ध केले. त्यामुळे इंग्रजी भाषा अवगत असलेली व्यक्ती शुद्ध आणि सात्त्विक सनातन धर्मापासून दूर जाते.

४. इंग्रजी भाषा लिपीबद्ध केल्याने ‘शब्दाली’वर ‘मही’ याने संस्कृत भाषेत काव्य करणे 

‘शब्दाली’ने इंग्रजी भाषेत मोठ्या (कॅपिटल) आणि लहान (स्मॉल) शब्दांची रचना केली. त्यातून ‘मही’ याला इंग्रजी भाषेच्या माध्यमातून सात्त्विक अशी संस्कृत भाषा नष्ट करण्याचा मार्ग सापडला होता. त्यामुळे त्याने कौतुकाने ‘शब्दाली’वर संस्कृत भाषेत काव्य केले. ‘मही’ याला संस्कृत भाषेविषयीचा द्वेष आणि तिचा उपहास करून आनंद व्यक्त करायचा होता. त्यामुळे त्याने संस्कृत भाषेत ‘शब्दाली’वर काव्य केले.’

– श्री. राम होनप (सूक्ष्मातून प्राप्त झालेले ज्ञान), सनातन आश्रम, रामनाथी, गोवा. (९.१०.२०२३)