Digital Arrest Scam Mastermind : डिजिटल अरेस्ट’ प्रकरणातील मुख्य सूत्रधाराला अटक

कोलकाता (बंगाल) – कोलकाता पोलिसांनी ‘डिजिटल अरेस्ट’ घोटाळ्यातील मुख्य आरोपीच्या बेंगळुरू येथून अटक केली. चिराग कपूर असे त्याचे नाव आहे. त्याच्या विरोधात ९३० प्रकरणे असून त्याने कोट्यवधी रुपयांची लूट केल्याचे निष्पन्न झाले आहे. कोलकाता येथील रहिवासी देबश्री दत्ता यांच्या नावाचा गैरवापर करून एक पार्सल पाठवले गेले. त्यात अमली पदार्थ आढळल्याचा बनाव एका कथित अधिकार्‍याने व्हिडिओ कॉलद्वारे केला होता. कायदेशीर कारवाईची धमकी देऊन घोटाळेबाजांनी दत्ता यांची ४७ लाख रुपयांंची फसवणूक केली. या प्रकरणाचे अन्वेषण करतांना पोलिसांनी कपूर याला अटक केली. त्याच्यासहित अन्य १० जणांनाही अटक केली.

Kolkata Police nabs mastermind of digital arrest scam Chirag Kapoor, also known as Chintak Raj in big crackdown in Bengaluru #DigitalArrestScam
PC: @newshub0069 pic.twitter.com/59pNZlwbL6

— Sanatan Prabhat (@SanatanPrabhat) January 12, 2025

चिराग कपूर ‘चिंतक राज’ या नावाने बेंगळुरूच्या जे.पी. नगर भागात रहात होता. स्वतःला सॉफ्टवेअर इंजिनिअर म्हणवणारा कपूर मागच्या ७ महिन्यांपासून ही टोळी चालवत होता. धाड टाकलेल्या घरातून काही उपकरणे जप्त करण्यात आली असून त्याची न्यायवैद्यक प्रयोगशाळेत तपासणी केली जाणार आहे.