बिहार विधानसभेमध्ये काँग्रेसचे आमदार शकील अहमद खान यांनी घेतली संस्कृतमध्ये शपथ !

  •  किती हिंदु लोकप्रतिनिधी संस्कृतमधून शपथ घेतात ?
  • शकील अहमद खान यांनी संस्कृतला मृतभाषा ठरवणार्‍या काँग्रेसला संस्कृतविषयी योग्य धडा शिकवला पाहिजे !
काँग्रेसचे आमदार शकील अहमद खान यांनी घेतली संस्कृतमध्ये शपथ !

पाटलीपुत्र (बिहार) – बिहार विधानसभेमध्ये एम्आयएम्चे आमदार अख्तरूल इमान यांनी उर्दूतून शपथ घेतांना हिंदुस्थान बोलण्यास नकार दिला होता, तर दुसरीकडे काँग्रेसचे आमदार शकील अहमद खान यांनी उर्दूऐवजी संस्कृत भाषेतून शपथ घेतली. त्यांच्या या कृतीचे विधानसभेतील सर्वच आमदारांनी स्वागत केले.

संस्कृत भारताची आत्मभाषा !

शपथ घेतल्यावर शकील अहमद खान म्हणाले की, उर्दू माझी मातृभाषा आहे. तिला वाढवण्यासाठी मी आवाज उठवत रहाणार आहे; मात्र संस्कृत ही भारताची आत्मभाषा आहे. ही सभ्यता आणि संस्कृती यांची भाषा राहिलेली आहे. काळाच्या ओघात ती सर्वसामान्यांची भाषा राहिलेली नाही. मला संस्कृत आधीपासूनच आवडते.  सर्वच भाषा योग्य आहेत. कोणत्याही भाषेविषयी भेदभाव होऊ नये आणि कोणतीही भाषा कुणावर थोपली जाऊ नये. हेच सरकारचेही धोरण असले पाहिजे.

शकील अहमद यांनी शपथ घेतांना ‘हिंदुस्थान’ शब्द बोलण्याचे नाकारणारे अख्तरूल इमान यांच्यावर टीका करतांना म्हटले की, ते यापूर्वीही आमदार राहिलेले आहेत आणि त्यांनी पहिल्यांदाच शपथ घेतलेली नाही. त्यांनी यापूर्वी का नाही ‘हिंदुस्थान’ शब्दावर आक्षेप घेतला, हे त्यांनी आठवले पाहिजे.