मंदिराची स्वच्छता पूर्ण झाली असून शिखरांच्या रंगरंगोटींचे काम अंतिम टप्प्यात आहे. परिसरातील दुरुस्तीचे कामही अंतिम टप्प्यात आहे. अपंगांना श्री महालक्ष्मीदेवीच्या दर्शनासाठी विशेष आसंद्यांची सोय करण्यात आली आहे.

या वेळी पश्चिम महाराष्ट्र देवस्थान व्यवस्थापन समितीचे सचिव शिवराज नाईकवाडे यांनी दळववळणबंदी काळात मंदिरात केलेल्या उपाययोजना आणि चालू असलेली विकासकामे या संदर्भात माहिती दिली.

भाविकांना कृपाप्रसाद पाठवण्यासाठी पश्चिम महाराष्ट्र देवस्थान व्यवस्थापन समिती आणि भारतीय टपाल विभाग यांचे अधिकृत ‘प्रसाद पोस्टकार्ड’ पाकीट सिद्ध करण्यात आले असून भारतात, तसेच जगभरात कुठेही भाविकाला प्रसाद पोच करण्याची व्यवस्था करण्यात आली आहे.