श्री महालक्ष्मी मंदिराच्या दानपेटीत ८३ लाख रुपयांचे दान !

श्री महालक्ष्मी मंदिर

कोल्हापूर, १६ जून (वार्ता.) – श्री महालक्ष्मी मंदिरात भाविकांनी दिलेल्या दानपेटीतील दानाची मोजणी करण्यात आली. १४ जून या दिवशी ३६ लाख ३१ सहस्र २०० रुपये, तर १५ जून या दिवशी उर्वरित पेट्यांमधून ४७ लाख ४३ सहस्र ४६४ रुपयांचे दान मिळाले. दोन दिवसांची एकूण रक्कम ८३ लाख ७४ सहस्र ६६४ रुपये झाली. पश्चिम महाराष्ट्र देवस्थान व्यवस्थापन समितीचे सचिव शिवराज नाईकवडे, व्यवस्थापक महादेव दिंडे, यांच्या मार्गदर्शनाखाली ३५ कर्मचारी ही रक्कम मोजण्यात सहभागी झाले होते. या मोजणीसाठी मोठ्या प्रमाणात पोलीस बंदोबस्त ठेवण्यात आला होता.