२ वर्षे कोरोनाच्या सावटाखाली गेल्यानंतर यंदा अत्यंत उत्साही, भक्तीमय वातावरणात श्री गणेशाचे सर्वत्र आगमन झाले. राज्यात सर्वत्र घरगुती, तसेच सार्वजनिक ठिकाणी ‘गणपति बाप्पा मोरया’च्या गजरात श्री गणेशाची स्थापना करण्यात आली.

प्रतिवर्षी प्रसिद्ध मंदिरांची हुबेहुब आरास साकारणार्‍या वांद्रे पश्चिम सार्वजनिक गणेशोत्सव मंडळाच्या वतीने यंदा नेपाळ देशातील काठमांडू येथील प्रसिद्ध पशुपतिनाथ मंदिराची ५२ फूट उंच हुबेहुब प्रतिकृती साकारली आहे. मुंबई भाजपचे अध्यक्ष तथा आमदार आशिष शेलार हे या मंडळाचे प्रमुख सल्लागार आहेत.