सनातनची ‘घरोघरी लागवड’ मोहीम : लेखांक ७५
‘केवळ खाण्‍यासाठीच नव्‍हे, तर आपल्‍या प्रत्‍येक धार्मिक सण-समारंभामध्‍ये विड्याच्‍या पानांची आवश्‍यकता असते. विड्याचे पान पोटाचे विकार, मुखदुर्गंधी, तोंडातील व्रण, मळमळणे आदी अनेक समस्‍यांवरील औषध आहे. प्रत्‍येक घरात जसे तुळशीचे रोप असते, तशीच नागवेलही असायला हवी. पावसाळा, तसेच फेब्रुवारी आणि मार्च हे मास हा नागवेलीच्‍या लागवडीसाठी योग्‍य काळ आहे. रोपवाटिकेतून नागवेलीचे रोप आणून लावता येते, तसेच एका वेलीची फांदी कापून तिच्‍यापासून दुसरे रोप सिद्ध करता येते.
फांदीने लागवड करतांना मुख्‍य वेलीची सुमारे अर्धा फूट लांबीची सशक्‍त फांदी कापून घ्‍यावी. त्‍या फांदीची वरील २ – ३ पाने ठेवून अन्‍य सर्व पाने काढून टाकावी. फांदी मातीत खोचतांना लहान लहान मुळे असलेला तिचा भाग मातीखाली जाईल, याची दक्षता घ्‍यावी. फांदी लावल्‍यावर भरपूर पाणी घालावे. वेलीला आधार देण्‍यासाठी कुंडीत एखादी काठी खोचावी. नागवेल भिंतीला धरूनही उत्तम वाढते.
नागवेलीची कुंडी ठेवतांना वेलीला सूर्यप्रकाश मिळेल; पण कडक ऊन लागणार नाही, अशा ठिकाणी ठेवावी.’
– सौ. राघवी मयूरेश कोनेकर, ढवळी, फोंडा, गोवा. (३०.१.२०२३)
मंदिर परिसरातही भेसळयुक्त मिठाई !
बंगालमधील शिक्षक भरती घोटाळ्याप्रकरणी कोलकाता उच्च न्यायालयाचा कठोर निवाडा !
उतावीळ काँग्रेस
नवा पाकिस्तान : राजकारण, आतंकवाद आणि युद्ध
जग तिसर्या स्फोटाच्या उंबरठ्यावर !
सच्चिदानंद परब्रह्म डॉ. आठवले यांच्यावर दृढ श्रद्धा ठेवून स्वतःच्या तिन्ही मुलांना पूर्णवेळ साधना करण्यासाठी प्रोत्साहन देणार्या आणि स्वतःही पूर्णवेळ साधना करणार्या श्रीमती संध्या बधाले (वय ५० वर्षे) !