कणकवली – कोकण रेल्वेमार्गावरून धावणार्‍या गाडीची धडक बसून तालुक्यातील बौद्धवाडी, हुंबरठ येथील रेल्वेमार्गावर २१ नोव्हेंबरला सकाळी एका महिलेचा मृत्यू झाला. मृतदेह छिन्नविछिन्न झाल्याने महिलेची ओळख पटलेली नाही. कणकवली पोलिसांनी घटनास्थळी जाऊन पंचनामा केला अन् मृतदेह कणकवली उपजिल्हा रुग्णालयात आणून शवविच्छेदन केले. या महिलेविषयी माहिती असल्यास कणकवली पोलीस ठाण्यात संपर्क साधावा, असे आवाहन करण्यात आले आहे. या मार्गावरून धावणार्‍या कोणत्या गाडीची धडक बसून महिलेचा मृत्यू झाला, हे समजू शकले नाही.
