मुंबई – कोरोना रोगाच्या पार्श्‍वभूमीवर श्री सिद्धीविनायक गणपति मंदिर न्यासाच्या वतीने रक्तसंकलन अभियान राबवण्यात येणार आहे. न्यासाचे अध्यक्ष आदेश बांदेकर याविषयी म्हणाले की, मुंबईत रहाणार्‍या ज्यांना रक्तदान करण्याची इच्छा आहे, त्यांनी स्वत:चे नाव श्री सिद्धीविनायक मंदिरात सकाळी १० ते सायंकाळी ६ या वेळेत (०२२)२४२२४४३८/२४२२३२०६ या दूरभाषवर कळवावे. रक्तदात्याच्या रहात्या घराच्या जवळ थेट वसाहतीच्या आवारात न्यासाच्या वतीने महाराष्ट्र शासनाच्या आरोग्य विभागाची रक्तसंकलनाची गाडी पोचेल. त्यामुळे रक्तदात्यांना रहात्या ठिकाणी रक्तदान करता येईल. गर्दी न करता रक्तदान करावे आणि रक्तसंकलन करण्यासाठी सहकार्य करावे.
