Global Muslim Population Rise : वर्ष २०६० पर्यंत मुसलमान जगातील सर्वांत मोठा धार्मिक गट बनेल !

• अमेरिकेच्या ‘प्यू रिसर्च सेंटर’चा दावा

• तरुणांची मोठी लोकसंख्या, उच्च प्रजनन दर आणि धर्मांतर या प्रमुख कारणांमुळे मुसलमानांचे वर्चस्व वाढणार !

वर्ष २०५० मध्ये भारतात ७७ टक्के हिंदु लोकसंख्या असणार !

भारत आणि नेपाळ भविष्यात हिंदु बहुसंख्य राष्ट्रेच रहातील. वर्ष २०१० मध्ये भारतातील एकूण लोकसंख्येच्या ८० टक्के हिंदू होते आणि वर्ष २०५० पर्यंतही ते बहुसंख्यच रहातील. भारताच्या एकूण लोकसंख्येत हिंदूंचा वाटा ७७ टक्के असेल. वर्ष २०५० पर्यंत भारताची लोकसंख्या जगाच्या एकूण लोकसंख्येच्या १८ टक्के असेल, तर हिंदूंची लोकसंख्या ही १५ टक्के असेल. या अभ्यासानुसार पुढील २५ वर्षांत जगभरातील हिंदूंची लोकसंख्या १०० कोटींवरून १४० कोटी होईल. (वर्ष २०११ मध्ये भारतात हिंदु लोकसंख्येची टक्केवारी ८० टक्क्यांहून थोडी अधिक होती. त्यानंतर ४० वर्षांत ती ३ टक्क्यांनी अल्प होईल. याचा अर्थ प्रत्येक दशकाला हिंदु लोकसंख्येची टक्केवारी ही साधारण एका टक्क्याने खालावत आहे. पुढे याची गती आणखी वाढली, तर ५०० वर्षांत हिंदू हे भारतात औषधालाही रहाणार नाहीत. हे होऊ द्यायचे नसेल, तर भारताला हिंदु राष्ट्र घोषित करा ! – संपादक)

संपादकीय भूमिका

‘प्यू रिसर्च’च्या या दाव्याला खरे मानले, तर भविष्यासाठी ही धोक्याची घंटा आहे, हेच खरे !