करचोरी करणार्‍या व्यापारी आणि व्यावसायिक यांच्या विरोधात कारवाई करत रोखीने आणि कच्च्या कागदांवर झालेल्या व्यवहारांची कागदपत्रे आयकर विभागाने जप्त केली आहेत. मागील २ मासांपूर्वी आयकर विभागाने शहरातील विविध रुग्णालयांवर केलेल्या धाडीमध्ये १०० कोटी रुपयांचा गैरप्रकार समोर आला होता.

कारवाईच्या दुसर्‍या दिवशी याच पथकाने विविध ठिकाणांहून महत्त्वपूर्ण दस्तावेज आणि दागिने जप्त केले आहेत, तर काही ठिकाणी मारलेल्या धाडीत पथकाच्या हाती काहीही लागले नाही. या कारवाईविषयी आयकर विभागाच्या वतीने अत्यंत गुप्तता बाळगण्यात येत आहे.

पंढरपूर येथील विठ्ठल सहकारी साखर कारखान्याचे अध्यक्ष आणि ‘डीव्हीपी’ उद्योग समूहाचे सर्वेसर्वा अभिजित पाटील यांचे पंढरपूर शहरातील निवासस्थान आणि कार्यालय येथे प्राप्तीकर विभागाच्या अधिकार्‍यांनी २६ ऑगस्ट या दिवशी एकाच वेळी धाड टाकली.