मुंबईत ‘हाऊसिंग जिहाद’ चालू !

मुंबई – मुंबईत काम चालू असलेल्या झोपडपट्टी पुनर्विकास प्रकल्पांमध्ये मुसलमानांचे संख्याबळ वाढवण्यासाठी मुसलमान विकासक प्रयत्न करत आहेत. झोपडपट्ट्यांमध्ये अवैधरित्या रहाणार्‍या मुसलमानांना प्रकल्पांसाठी पात्र ठरवून हिंदूंना झोपडपट्टी पुनर्विकास प्रकल्पांपासून दूर ठेवण्याचा प्रकार मुसलमान विकासकांकडून चालू आहे. मुंबईतील ‘झोपडपट्टी पुनर्विकास प्रकल्पांमध्ये हा ‘हाऊसिंग जिहाद’ चालू आहे, असा गंभीर आरोप शिवसेनेचे उपनेते संजय निरुपम यांनी २१ फेब्रुवारी या दिवशी बाळासाहेब भवन येथे पत्रकार परिषदेत केला.

१. जोगेश्वरी (पश्चिम) येथील ‘श्री शंकर एस्.आर्.ए. प्रकल्प आणि ‘ओशिवरा पॅराडाईज’ १ आणि २ या प्रकल्पांमध्ये हिंदूंना अल्प करून मुसलमानांना बहुसंख्य करण्याचा प्रकार झाल्याचे नमूद करत या वेळी याविषयी चौकशी करण्याची मागणी संजय निरुपम यांनी केली.

२. मुंबईमध्ये मुसलमान वस्ती वाढवण्यासाठी काही विकासक ‘एस्.आर्.ए.’ प्रकल्पांच्या माध्यमातून प्रयत्न करत आहेत. पुनर्विकास करतांना तेथील मूळ हिंदु रहिवाशांना अल्पमतात दाखवून मुसलमान रहिवाशांचे बहुमत निर्माण करण्याचा डाव आहे. मुसलमान विकासक झोपडपट्टी पुनर्विकासाचा प्रकल्प हाती घेतात आणि अधिकार्‍यांच्या संगनमताने अवैध मुसलमानांच्या झोपड्या पात्र करून घेतात. काही प्रकल्पांमध्ये मुसलमान रहिवासी तुरळक आणि हिंदू रहिवाशांचे बहुमत असतांना तेथे अवैधरित्या मुसलमानांची नावे पात्र करून घेण्यात आली आहेत, असा गंभीर आरोप या वेळी संजय निरुपम यांनी केला.