Kharghar Hindu Youth Killed By Muslims : खारघर (नवी मुंबई) येथे ‘इज्तिमा’नंतर हिंदु तरुणाची मुसलमानांकडून हत्या

संपादकीय भूमिका

• हिंदूंच्या धार्मिक सभेनंतर किंवा कार्यक्रमानंतर कधी त्यांच्याकडून हिंसाचार झाल्याचे ऐकले आहे का ? उलट हिंदूंच्या धार्मिक मिरवणुकांवर मशिदींवरून आक्रमणे केली जातात. आता या घटनेत मुसलमानांच्या कार्यक्रमानंतर हिंदूंची हत्या करण्यात आली. हे तथाकथित ‘पुरोगामी’ महाराष्ट्राला लज्जास्पद आहे !

• या घटनेविषयी हिंदुत्वनिष्ठ वगळता अन्य राज्यकीय पक्ष किंवा निधर्मीवादी का बोलत नाहीत ? ते कुणी का बोलत नाहीत ?

• ‘एक हैं तो सैफ हैं’ हे या घटनेवरून हिंदूना नाही, तर मुसलमानांना लागू पडत आहे का ?, असा प्रश्‍न पडतो !

• (म्हणे) ‘हिंदु-मुसलमानांमध्ये भांडणे निर्माण करणार्‍या नितेश राणे यांना मंत्रीमंडळातून काढावे !’ 

• समाजवादी पक्षाचे नेते अबू आझमी यांची मुख्यमंत्र्यांकडे मागणी ! 

समाजवादी पक्षाचे नेते अबू आझमी यांनी ७ फेब्रुवारी या दिवशी पत्रकार परिषद घेत सांगितले की, नितेश राणे हे द्वेषाचे पुजारी आहेत. असे लोक नेहमीच महाराष्ट्राचे वातावरण बिघडवण्यासाठी हिंदु-मुसलमानांमध्ये भांडणे निर्माण करण्याचे काम करतात. मी मुख्यमंत्र्यांकडे मागणी करतो की, त्यांना (नितेश राणे यांना) मंत्रीमंडळातून काढावे. जर नितेश राणे असे म्हणत असतील की, ‘इज्तिमानंतर त्यात सहभागी असलेल्या काही लोकांनी मारहाण केल्याने एखाद्याचा मृत्यू झाला’, तर पोलिसांनी त्या प्रकरणाची चौकशी करून दोषीला शिक्षा करावी; परंतु अशा कोणत्याही घटनेसाठी महाराष्ट्रात इज्तिमावर बंदी घालण्याची मागणी करणे, हे पूर्णपणे चुकीचे आहे.

इज्तिमामध्ये मुसलमानांनी शरियत आणि धर्म यांव्यतिरिक्त हिंदूंसह इतर धर्मांच्या लोकांशी कसे एकरूपतेने रहावे, हे सांगितले जाते. नितेश राणे महाराष्ट्रात जातीयवादाला चालना देण्याचा प्रयत्न करत आहेत. ज्या मुसलमान संघटनेवर ते बंदी घालण्याची मागणी करत आहेत, त्या संघटनेवर लावण्यात आलेले आरोप खोटे आहेत. ही संघटना तरुणांना योग्य मार्गावर आणण्याचे काम करते आणि सरकारलाही साहाय्य करते. ती कुणालाही भडकवण्याचे काम करत नाही. (महाराष्ट्रात इज्तिमाचे आयोजन ‘तबलिगी जमात’ ही संघटना करते. या संस्थेवर सौदी अरेबिया, उझबेकिस्तान आणि इतर अनेक देशांमध्ये बंदी घालण्यात आलेली आहे; कारण तिच्यावर कट्टरपंथीय विचारसरणी पसरवणे, आतंकवादी विचारधारेचे पोषण करणे अन् अवैध आर्थिक व्यवहार करण्याचे आरोप आहेत. असे असतांना ‘ही संघटना निर्दोष आहे’, असे म्हणणे, म्हणजे ‘आझमी एक प्रकारे आतंकवादाचीच पाठराखण करत आहेत’, असे म्हटल्यास चुकीचे ठरणार नाही ! – संपादक)

संपादकीय भूमिका

हिंदु-मुसलमानांमध्ये भांडणे कोण लावत आहे आणि हिंदु धर्माचे पुरस्कर्ते कोण आहेत, हे जनता पुरते ओळखून आहे. त्यामुळे अबू आझमी यांनी याविषयी सांगण्याची आवश्यकता नाही !