गोवेकरांसाठी ‘श्री स्वामी समर्थ अन्नछत्र मंडळ’ हे श्रद्धास्थान ! – डॉ. प्रमोद सावंत, मुख्यमंत्री, गोवा

अक्कलकोट  – ‘श्री स्वामी समर्थ अन्नछत्र मंडळा’चे संस्थापक अध्यक्ष जन्मेजयराजे विजयसिंहराजे भोसले यांच्या मार्गदर्शनाखाली आणि कार्यकारी अध्यक्ष अमोलराजे जन्मेजयराजे भोसले यांच्या नेतृत्वाखाली चालू असलेले अन्नदान श्रेष्ठ दान आहे. न्यासाकडून होत असलेले स्वामी कार्य हे उल्लेखनीय आहे. आम्हा गोवेकरांना अन्नछत्र मंडळ हे श्रद्धास्थान असल्याचे मनोगत गोव्याचे मुख्यमंत्री डॉ. प्रमोद सावंत यांनी व्यक्त केले.

डॉ. प्रमोद सावंत हे तीर्थक्षेत्र अक्कलकोट येथील श्री स्वामी समर्थ अन्नछत्र मंडळात सहकुटुंब आले असता त्यांचा सत्कार झाल्यावर ते बोलत होते. या प्रसंगी भाजप आमदार सचिन कल्याणशेट्टी, सौ. सुलक्षणा प्रमोद सावंत, सौ. शांभवी सचिन कल्याणशेट्टी, न्यासाचे उपाध्यक्ष अभय खोबरे, सचिव शामराव मोरे यांसह भक्तगण बहुसंख्येने उपस्थित होते.