राजस्थानमध्ये दोघा उपदंडाधिकार्‍यांना लाच घेतांना अटक

दौसा (राजस्थान) – राजस्थान प्रशासकीय सेवेतील २ अधिकार्‍यांना लाचलुचपत प्रतिबंधक खात्याने लाच घेतांना रंगेहाथ अटक केली. रस्त्याच्या कामासाठी या दोघांनी एका खासगी आस्थापनाकडून प्रत्येकी ५ लाख रुपयांची लाच मागितली होती. बांदीकुई येथील उपविभागीय दंडाधिकारी पिंकी मीना आणि दौसा उपविभागीय दंडाधिकारी पुष्कर मित्तल अशी त्यांची नावे आहेत.