महर्षि गौतम यांनी मानव आणि समाज यांना शिस्तबद्ध ठेवण्यासाठी न्यायशास्त्राची रचना केली. महर्षि गौतम यांना न्यायशास्त्राचे प्रवर्तक मानले जाते. महर्षि गौतम हे वैदिक काळातील मंत्रद्रष्टा ऋषि होते.

महर्षि भरद्वाज हे देवतांचे गुरु बृहस्पति यांचे पुत्र ! वैदिक ऋषींमध्ये महर्षि भरद्वाज यांचे स्थान अत्यंत उच्च आहे. त्यांनी आयुर्वेदासहित धनुर्वेद, राजनीतीशास्त्र, यंत्रसर्वस्व, अर्थशास्त्र, पुराण इत्यादी विषयांवर आधारित अनेक ग्रंथ लिहिले. ते शिक्षाशास्त्री, राजतंत्र मर्मज्ञ, अर्थशास्त्री, शस्त्रविद्या विशारद, आयुर्वेद विशारद, विधि वेत्ता, अभियांत्रिकी विशेषज्ञ आणि मंत्रद्रष्टा होते.