रुग्णालयातील पर्यवेक्षकाकडून सफाई कर्मचारी महिलेवर बलात्कार !

पुणे – बाणेर परिसरातील नामांकित रुग्णालयात सफाई कर्मचारी असलेल्या महिलेवर सोमनाथ बेनगुडे (वय ४२ वर्षे) या पर्यवेक्षकाने बलात्कार केला. या प्रकरणी पर्यवेक्षकाला चतुःशृंगी पोलिसांनी कह्यात घेतले. पीडित महिलेने रुग्णालयातील सुरक्षा अधिकार्‍यांकडे या संदर्भात तक्रार दिली होती; मात्र त्यांनी हे प्रकरण गांभीर्नयाने न घेतल्याने महिलेने चतुःशृंगी पोलीस ठाण्यात येऊन तक्रार प्रविष्ट केली. आरोपीने महिलेला धमकावून तिच्यावर बलात्कार केला, तसेच ‘हा प्रकार कुणाला सांगितल्यास कामावरून काढून टाकीन’, अशी धमकीही दिली होती. पीडित महिलेने केलेल्या तक्रारीअन्वये पोलिसांनी आरोपीला कह्यात घेतले आहे.