३०.१०.२०२२ या दिवशी दुपारी ४.२७ वाजता सनातनचे ७ वे संत पू. पद्माकर होनप यांनी देहत्याग केला. त्या वेळी ‘संतांचा देहत्याग हा आनंद सोहळा असतो’, याची प्रचीती आम्हाला परात्पर गुरु डॉ. आठवले यांच्या कृपेने ‘याची देही, याची डोळां’ आली. या आनंद सोहळ्याचे वर्णन आणि त्या वेळी आम्हाला आलेल्या अनुभूती पुढे दिल्या आहेत.

‘२.११.२०२२ या दिवशी पू. पद्माकर होनप यांचे अस्थिविसर्जन झाले. विधी झाल्यावर मी दुचाकीने रामनाथी आश्रमात आले आणि दुचाकी लावत असतांना माझ्या डोळ्यांसमोर अंधारी येऊन मी पडले अन् दुचाकी माझ्या अंगावर पडली. त्या वेळी मला काहीच समजले नाही.

‘पू. होनपकाका यांच्या खोलीत गेल्यावर मला पुष्कळच शांत वाटत होते. ‘आपण एका पोकळीत आहोत’, असे मला जाणवले. ‘वातावरणात पुष्कळ मोठ्या प्रमाणात आनंदाचे प्रक्षेपण होत आहे’, असेही मला जाणवले.