सांखळी येथे ‘लॉकडाऊन’ या शीर्षकाखाली एक ‘व्हॉट्सअ‍ॅप’ गट कार्यरत आहे. या गटात हिंदु देवतांची अश्‍लील छायाचित्रे प्रसारित केल्याच्या प्रकरणी सांखळी येथील बसवराज मुचंडी याच्या विरोधात पोलिसांनी धार्मिक भावना दुखावल्याचा गुन्हा प्रविष्ट करून त्याला कह्यात घेतले आहे.
इंग्लंड येथून परतलेल्या आणि मडगाव येथील ‘इ.एस्.आय.’ रुग्णालयात उपचार घेत असलेल्या कोरोनाबाधित रुग्णांनी आंदोलनाचा पवित्रा घेतला आहे. हे रुग्ण नवीन कोरोना विषाणूसंबंधीच्या पुणे येथील प्रयोगशाळेच्या अहवालाच्या प्रतिक्षेत आहेत.
दक्षिण-पश्‍चिम रेल्वेमार्गावरील तिनईघाट-केसलरॉक-करंझोळ या रेल्वेमार्गाच्या दुपरीकरणाला ‘वन्यजीव राष्ट्रीय मंडळा’ने मान्यता दिली आहे, अशी माहिती केंद्रीय पर्यावरणमंत्री प्रकाश जावडेकर यांनी दिली.
ऊस उत्पादकांच्या सर्व मागण्या मान्य करण्याचे आश्‍वासन मुख्यमंत्री डॉ. प्रमोद सावंत आणि उपमुख्यमंत्री तथा कृषीमंत्री बाबू कवळेकर यांनी दिल्याने उस उत्पादकांनी त्यांचे चालू असलेले आंदोलन मागे घेण्याचा निर्णय घेतला आहे.
हिमाचल प्रदेश, राजस्थान आणि केरळ येथे मोठ्या प्रमाणात पशू मरत असल्याने केंद्राने गोव्यासह अनेक राज्यांना ‘बर्ड फ्ल्यू’ पसरू नये यासाठी सुरक्षिततेचे उपाय करण्याची चेतावणी दिली आहे.
राज्यात अनधिकृतपणे करण्यात येत असलेल्या गांजाच्या लागवडीत मोठ्या प्रमाणात वाढ झाली आहे. गोवा पोलिसांनी इतर वर्षांच्या तुलनेत वर्ष २०२० मध्ये अनधिकृत गांजा लागवडीवर केलेल्या कारवाईवरून ही गोष्ट उघड झाली आहे.
श्री साई मंदिरात उत्सवाच्या निमित्ताने उभारण्यात आलेली कमान २ जानेवारी या दिवशी रात्री ११ वाजता एका अल्पसंख्य व्यक्तीने तोडल्याची तक्रार मंदिराचे व्यवस्थापक मंडळ आणि स्थानिक साईभक्त यांनी वास्को पोलिसांकडे केली होती.
शंखवाळी तीर्थक्षेत्री पूजा आणि नामस्मरणाचा कार्यक्रम करणार्‍यांवर कारवाई करण्यासाठी कुठ्ठाळीच्या भाजपच्या आमदार एलिना साल्ढाणा अन् सांकवाळ येथील ‘पॅरिशनर्स’ (चर्चचे सदस्य) यांनी शासनावर दबाव आणण्यास प्रारंभ केला आहे.
गोमंतक साहित्य सेवक मंडळ आणि गोवा मराठी पत्रकार संघ यांच्या वतीने ६ जानेवारी या दिवशी सायंकाळी ४ वाजता मंडळाच्या सभागृहात ४ ज्येष्ठ पत्रकारांचा सत्कार करण्यात येणार आहे.
शासनाने प्रस्तावित आयआयटी प्रकल्पासाठीच्या भूमीच्या सर्वेक्षणाचे काम छुप्या पद्धतीने पूर्ण केले. ग्रामस्थांनी सर्वेक्षणाला मान्यता देणार नसल्याचा दावा करून आंदोलन तीव्र करण्याची चेतावणी दिली आहे.