Telangana Muslims Kidnap Hindu Youth : तेलंगाणामध्ये मुसलमान तरुणीशी बोलणार्‍या हिंदु तरुणाचे मुसलमानांनी केले अपहरण

हिंदु तरुणाचा अमानुष छळ

भाग्यनगर (तेलंगाणा) – तेलंगाणातील हणमकोंडा येथे एका हिंदु तरुणाचे अपहरण करून मुसलमानांच्या टोळीने त्याला अमानुष मारहाण केली. त्याला ओलीस ठेवण्यात आले आणि धमक्या देण्यात आल्या. त्याला मुसलमान तरुणीशी बोलल्याविषयी छळण्यात आले.

१. याविषयीच्या एका वृत्तानुसार २३ मार्च २०२५ या दिवशी हणमकोंडा येथे साईचरण नावाचा हिंदु तरुण एका मुसलमान मुलीशी बोलत होता. साईचरण ज्या मुलीशी बोलत होता, ती त्याच्या बहिणीची मैत्रीण होती.

२. साईचरण आणि ती मुसलमान तरुणी नोकरीविषयी बोलत होते. या वेळी कुणीतरी त्यांच्या संभाषणाचा व्हिडिओ केला आणि तो व्हिडिओ मुसलमानांच्या टोळीला पाठवला. त्यानंतर मुसलमानांच्या टोळीने त्याचे अपहरण केले.

३. त्यानंतर मुसलमान तरुणांनी त्याला त्या मुसलमान मुलीच्या घरी नेले. तेथे त्याला एका खोलीत बंद करून काठ्या आणि लोखंडी सळ्या यांनी मारहाण केली. त्याला ओलीस ठेवून त्याचा छळ करण्यात आला.

४. अखेर साईचरण मुसलमान मुलांच्या तावडीतून सुटण्यात यशस्वी झाला आणि त्यानंतर त्याने पोलिसांशी संपर्क साधला.

५. या प्रकरणात पोलिसांनी महंमद अझीम, शेख अफसर, महंमद इर्शाद, मुज्जू शाहबाज, महंमद फयाज यांच्यासह ९ जणांविरुद्ध गुन्हा नोंद केला आहे. पोलीस आरोपींचा शोध घेत आहेत.