मुंबई उच्च न्यायालयाच्या नागपूर खंडपिठाची बुलडोझर कारवाईला स्थगिती !

मुंबई – नागपूर दंगलीतील सूत्रधार फहीम खान याला अटक करण्यात आली होती. त्याच्या अनधिकृत दुमजली घरावर २३ मार्चला नागपूर महापालिकेने बुलडोझर फिरवला. त्याच्या घराचे अवैध बांधकाम हटवण्यासाठी महापालिकेने २४ तासांचा अवधी दिला होता; पण ते न हटवल्याने वरील कारवाई करण्यात आली. यावर खान याच्या आईने मुंबई उच्च न्यायालयाच्या नागपूर खंडपिठात याचिका केल्यानंतर या कारवाईला स्थगिती देण्यात आली आहे. यामुळे पालिकेला अन्य एक आरोपी युसूफ शेख याच्या घरावर बुलडोझर फिरवता येणार नाही. या प्रकरणी पालिकेला १ आठवड्याच्या आत बाजू मांडण्याचे आदेश देण्यात आले आहेत.