अन्नछत्र मंडळात श्रद्धा, भक्ती आणि आदर भावनेचा त्रिवेणी संगम ! – मुरलीधर मोहोळ

पुणे – ‘श्री स्वामी समर्थ अन्नछत्र मंडळा’चे संस्थापक अध्यक्ष जन्मेजयराजे विजयसिंहराजे भोसले यांच्या मार्गदर्शनाखाली आणि न्यासाचे कार्यकारी अध्यक्ष अमोलराजे जन्मेजयराजे भोसले यांच्या नेतृत्वाखाली अन्नछत्र मंडळात श्रद्धा, भक्ती आणि आदर भावनेचा त्रिवेणी संगम पहायला मिळाला. भोसले पिता-पुत्रांचे धार्मिक कार्यासमवेतच सामाजिक, शैक्षणिक, क्रीडा, सांस्कृतिक या क्षेत्रांतही न्यासाच्या माध्यमातून उत्कृष्ट कार्य घडत असल्याचे मनोगत केंद्रीय नागरी उड्डाण आणि सहकार राज्य मंत्री मुरलीधर मोहोळ यांनी व्यक्त केले. ते पुणे येथील प्रसिद्ध भरत मित्र मंडळ यांच्या वतीने महाशिवरात्र उत्सव उद्घाटन कार्यक्रमाच्या प्रसंगी बोलत होते.

केंद्रीय राज्यमंत्री पदाची सूत्रे हाती घेतल्यानंतर अक्कलकोट येथे गेलो असता अन्नछत्र मंडळात महाप्रसाद घेण्यासाठी गेलो. मंडळाने केलेली महाप्रसादाची सोय पहाता हे धार्मिक क्षेत्रातील राज्यातील एकमेव ठिकाण असून हे धार्मिक क्षेत्रातील एक ध्यास पर्व आहे, असे मत मोहोळ यांनी व्यक्त केले.