Oppose To Maharana Pratap Statue : मशिदीसमोर महाराणा प्रताप यांचा पुतळा उभारण्यास मुसलमान संघटनेचा विरोध

हमीरपूर (हिमाचल प्रदेश) – हमीरपूर जिल्ह्यातील सुजानपूर येथील मशिदीसमोर महाराणा प्रताप यांच्या पुतळ्याच्या स्थापनेला मुसलमान सुधारणा सभेने विरोध केला आहे. या प्रकरणी सुधारणा सभेच्या शिष्टमंडळाने जिल्हाधिकार्‍यांची भेट घेऊन त्यांना निवेदन सादर केले. यानंतर जिल्हाधिकार्‍यांनी हे प्रकरणी उपजिल्हाधिकार्‍यांकडे पाठवले असून ते यावर कारवाई करणार आहेत.

Hamirpur (Himachal Pradesh): Mu$l|m organization opposes the erection of a statue of Maharana Pratap in front of a mosque claiming that the statue is likely to create hatred

How can hatred be created because of Maharana Pratap ? He was a nationalist and fought the Mughals.

When… pic.twitter.com/O6MBXEPxEC

— Sanatan Prabhat (@SanatanPrabhat) February 19, 2025

मुसलमान सुधारणा सभेचे सरचिटणीस रफिक यांचे म्हणणे आहे की, शहराचे सौंदर्यीकरण केले जात आहे, ही चांगली गोष्ट आहे आणि शहर सुंदर असले पाहिजे. पुतळा बसवण्यास कोणताही आक्षेप नाही; परंतु तो मशिदीसमोर बसवू नये. आजूबाजूच्या भागातील मुसलमान येथे मशिदीत नमाजपठण करण्यासाठी येतात. जर मशिदीसमोर महाराणा प्रताप यांचा पुतळा असेल, तर द्वेषाची भावना निर्माण होऊ शकते. म्हणून हा पुतळा दुसरीकडे कुठेतरी स्थापित करावा. पुतळा बसवण्यास आमचा कोणताही आक्षेप नाही; पण भविष्यात वाद निर्माण होऊ नये; म्हणून त्याचे स्थान पालटले पाहिजे.