सनातन प्रभात > Location > आशिया > भारत > आंध्र प्रदेश > आंध्रप्रदेश सरकारच्या ड्रोन वैमानिक प्रशिक्षण योजनेसाठी केवळ मुसलमान आणि ख्रिस्ती तरुणांची निवड !

आंध्रप्रदेश सरकारच्या ड्रोन वैमानिक प्रशिक्षण योजनेसाठी केवळ मुसलमान आणि ख्रिस्ती तरुणांची निवड !

भाजपची टीका

अमरावती (आंध्रप्रदेश) – आंध्रप्रदेशमधील जगन मोहन रेड्डी सरकारने चालू केलेल्या ड्रोन वैमानिक प्रशिक्षण योजनेत केवळ मुसलमान आणि ख्रिस्ती या धर्मांतील लोकांनाच प्रशिक्षण देण्यात येत आहे. यावर भाजपचे राज्याचे सरचिटणीस विष्णु वर्धन रेड्डी यांनी टीका केली आहे.

१. विष्णु वर्धन रेड्डी यांनी ट्वीट करून एक ‘पोस्टर’ प्रसारित केले आहे. यामध्ये राज्यात ‘ड्रोन इन्स्टिट्यूट ऑफ टेक्नोलॉजी’कडून एका अभ्यासक्रमाची माहिती देण्यात आली आहे. यात केवळ मुसलमान आणि ख्रिस्ती उमेदवारांनाच प्रशिक्षण आणि नोकरी देण्याचे आश्‍वासन देण्यात आले आहे. या ‘पोस्टर’वर मुख्यमंत्री जगन मोहन रेड्डी यांचे छायाचित्र आहे.

२. विष्णु वर्धन रेड्डी यांनी म्हटले आहे की, साधनांवर सर्वांचा समान अधिकार आहे, तरीही आंध्रप्रदेशच्या मुख्यमंत्र्यांनी केवळ २ धर्मांच्या विद्यार्थ्यांसाठीच प्रशिक्षण का आयोजित केले आहे ? यामुळे धार्मिक तणाव निर्माण होऊ शकतो. आंध्रप्रदेश सरकार आमच्या विद्यार्थ्यांच्या संदर्भात घाणेरडे राजकारण करत आहे. त्यांनी हा निर्णय मागे घेतला पाहिजे.

संपादकीय भूमिका 

  • कुठल्या राज्याने असे प्रशिक्षण केवळ हिंदूंसाठी ठेवले असते, तर आतापर्यंत प्रसारमाध्यमे, पुरोगाम्यांनी आदींनी आकाश-पाताळ एक केले असते ! आता हे सर्व गप्प का ?
  • जगनमोहन रेड्डी यांचे आंध्रप्रदेशात सरकार आल्यापासून ख्रिस्त्यांचे लांगूलचालन आणि त्यांना झुकते माप देण्याचे प्रकार मोठ्या प्रमाणात घडत आहेत. ही स्थिती रोखण्यासाठी हिंदु राष्ट्राला पर्याय नाही !

नूतन लेख