हलाल प्रमाणपत्राविषयी मुख्यमंत्री योगी आदित्यनाथ यांच्या निर्णयाचे संतांनी केले स्वागत !

वाराणसी (उत्तरप्रदेश) – उत्तरप्रदेशमध्ये हलाल प्रमाणपत्र देणार्‍या आस्थापनांना मुख्यमंत्री योगी आदित्यनाथ यांच्या शासनाने मोठा झटका दिला आहे. यांतर्गत हलाल प्रमाणपत्रासह विकल्या जाणार्‍या सर्व खाद्यपदार्थांच्या विक्रीवर बंदी घालण्यात आली आहे. योगी आदित्यनाथ यांच्या या निर्णयाचे संत समितीने स्वागत केले आहे.

अखिल भारतीय संत समितीचे सरचिटणीस स्वामी जितेंद्रानंद सरस्वती यांनी या आदेशाचे स्वागत करतांना प्रमाणपत्र देणार्‍या हलाल ट्रस्टवर प्रश्‍न उपस्थित केले आहेत. उत्तरप्रदेशात हलाल प्रमाणपत्राच्या नावाखाली आतंकवाद्यांना निधी पुरवला जात होता, असा संशय संत समितीने व्यक्त केला आहे.