आत्महत्या केलेल्या एका मुलीचे छायाचित्र परात्पर गुरु डॉ. आठवले यांच्या खोलीत ठेवल्यावर काही दिवसांनी छायाचित्रातील त्रासदायक स्पंदने जाऊन त्याकडे पाहून चांगले वाटणे !

‘आत्महत्या करणे म्हणजे ईश्‍वराच्या सृष्टीचक्राच्या नियोजनात ढवळाढवळ करणे, स्वेच्छेने वागणे, असे आहे. आत्महत्या केल्यावर त्या जिवाला ६ व्या नरकात स्थान मिळते. अशा जिवाला गती मिळत नाही; पण तो जीव साधना करणारा असेल आणि त्याच्यावर गुरुकृपा असेल, तर देवता त्या जिवाला नरकातून बाहेर काढतात.

काही वर्षांपूर्वी एका साधिकेच्या बहिणीने आत्महत्या केली होती. तेव्हा परात्पर गुरु डॉ. आठवले यांनी त्या साधिकेकडून तिच्या बहिणीचे छायाचित्र मागवले अन् त्याचे सूक्ष्म परीक्षण केले, तेव्हा असे दिसले की, त्या साधिकेचा जीव अजून नरकातच अडकला आहे. त्यानंतर त्यांनी ते छायाचित्र त्यांच्या खोलीतील कपाटात ठेवले. परात्पर गुरु डॉ. आठवले यांनी ठराविक दिवसांनी सूक्ष्म-विभागातील साधकांना त्या छायाचित्राचे परीक्षण करण्यास सांगितले. तेव्हा असे लक्षात आले की, काही दिवसांत त्या साधिकेच्या बहिणीला देवाने नरकातून बाहेर काढून तिला पुढची गती दिली. यावरून स्पष्ट होते की, परात्पर गुरु डॉ. आठवले यांच्यासारखे अवतारी गुरु असतील, तर केवळ साधकच नव्हे, तर त्यांच्या संपूर्ण कुळाचाच ते उद्धार करतात.’

– श्री. दिवाकर आगावणे, चेन्नई, तमिळनाडू. (२१.४.२०१८)