सामाजिक माध्यमांद्वारे संमेलन देश-विदेशातील साहित्यप्रेमींपर्यंत पोचवण्यासाठी ‘रॉकलाईक टेकव्हेंचर्स’ यांच्या माध्यमातून ३१ तज्ञांची विशेष यंत्रणा उभारली गेली.

शतकपूर्व संमेलन ऐतिहासिक राजधानीच्या शहरात झाल्यामुळे साहित्यनगरीला ‘स्वराज्यविस्तारक छत्रपती शाहू महाराज साहित्यनगरी’, असे नाव देण्यात आले. स्वराज्यविस्ताराच्या अभिमानास्पद कार्याला मानवंदना म्हणून स्मरणिकेलाही ‘अटकेपार’, असे नाव देण्यात आले.

बालवाङ्मयापासून आध्यात्मिक ग्रंथ, ऐतिहासिक कादंबर्‍या, कथा, कविता, समीक्षात्मक ग्रंथांसमवेतच स्पर्धा परीक्षेसाठी उपयुक्त ठरणारी पुस्तके प्रदर्शनात असल्यामुळे सर्व प्रकारच्या पुस्तकांची विक्री मोठ्या प्रमाणावर झाली आहे