२१ ते २३ फेब्रुवारी या कालावधीत अखिल भारतीय मराठी साहित्य संमेलन होत आहे. मराठी साहित्याचे मूळ मराठी भाषा आहे. भाषा टिकली, तर साहित्य टिकणार आहे.

मराठीजन आणि चोखंदळ साहित्यिक ज्‍याची वर्षभर आतुरतेने वाट पहातो, ते अखिल भारतीय मराठी साहित्य संमेलन २१ ते २३ फेब्रुवारी या कालावधीत महाराष्ट्‍र राज्याच्या स्थापनेनंतर प्रथमच देहली येथे होत आहे.

मराठी भाषा समृद्ध होण्‍यात मोठा वाटा आहे, तो प्रादेशिक बोलीभाषांचा ! महाराष्‍ट्रात अनेक बोलीभाषा आहेत. कोकणातही मालवणी, दालदी, कातोडी, सामवेदी, चित्‍पावनी, तिल्लोरी कुणबी अशा अनेक बोलींनी मराठी भाषेचा गंगौघ समृद्ध केला आहे.

आज भलेही आपल्‍या मराठीला अभिजात भाषेचा दर्जा मिळाला आहे. भले यात पुढे अधिक साहित्‍यसंपदा निर्माण होईल. प्रमाणित भाषेचा व्‍याप वाढेल, प्रसार वाढेल; पण ज्‍या काळात गाव गावातल्‍या मातीवर प्रेम करत होता