वंचित बहुजन आघाडीचे नेते प्रकाश आंबेडकर यांनी खुलताबाद (जिल्‍हा छत्रपती संभाजीनगर) येथे औरंगजेबाच्‍या कबरीवर फुले वाहिली. त्‍यांच्‍या या कृतीने वाईट वाटले. आम्‍ही कुठल्‍याही धर्माच्‍या विरोधात नाही; पण औरंगजेब आमचा नेता आणि आमचा राजा कसा होऊ शकतो ? आमचा राजा एकच आहे, तो म्‍हणजे छत्रपती शिवाजी महाराज होय, असे प्रतिपादन राज्‍याचे उपमुख्‍यमंत्री देवेंद्र फडणवीस यांनी १९ जून या दिवशी येथे आयोजित केलेल्‍या जाहीर सभेत केले.