जलदगती न्यायालये स्थापन करण्याच्या पंतप्रधानांच्या निर्णयाचे स्वागत ! – डॉ. सावंत, मुख्यमंत्री

(नीट – NEET – नॅशनल एलिजिबिलिटी कम ॲन्ट्रन्स टेस्ट – राष्ट्रीय पात्रता आणि प्रवेश परीक्षा)

पणजी, २३ जुलै (वार्ता.) – ‘नीट’ प्रश्नपत्रिका फुटल्याच्या (पेपरफुटीच्या) प्रकरणांचा पंतप्रधान नरेंद्र मोदी यांनी जलद निपटारा करण्यासाठी ‘फास्ट ट्रॅक’ (जलद गती) न्यायालये स्थापन करण्याची घोषणा केली आहे. पंतप्रधान नरेंद्र मोदी यांच्या या निर्णयाचे मुख्यमंत्री डॉ. प्रमोद सावंत यांनी स्वागत केले आहे.

मुख्यमंत्री डॉ. प्रमोद सावंत सामाजिक माध्यमात याविषयी म्हणाले, ‘‘पेपरफुटीच्या प्रकरणी केंद्रशासनाची भूमिका अत्यंत स्पष्ट आहे. केंद्रशासन तरुणांच्या भविष्याशी कोणतीही तडजोड करणार नाही. पेपरफुटीच्या प्रकरणी दोषींवर कठोर कारवाई करण्यात आली आहे. परीक्षा व्यवस्था अधिक पारदर्शक, निष्पक्ष आणि विश्वासार्ह करण्यासाठी व्यापक सुधारणा राबवण्यात आल्या आहेत.’’