नाशिककरांना ५० अत्याधुनिक वातानुकूलित ई-बसगाड्या मिळणार !

नाशिक – ‘सिंहस्थ कुंभपर्व २०२७’च्या पार्श्वभूमीवर नाशिक शहरातील सार्वजनिक वाहतूक अधिक सक्षम, पर्यावरणपूरक आणि नागरिकाभिमुख करण्यासाठी एक विशेष प्रयत्न करण्यात आला. मुख्यमंत्री देवेंद्र फडणवीस यांच्या वाढदिवसानिमित्त, तसेच महायुतीचे नेते स्व. अजितदादा पवार यांच्या जयंतीनिमित्त ‘पी.एम्. – ईबस सेवा’ योजनेअंतर्गत नाशिक सिटी लिंक आणि जे.बी.एम्. इकोलाईफ मोबिलिटी प्रायवेट लिमिटेड यांच्यात १० वर्षांच्या कालावधीसाठी ५० अत्याधुनिक वातानुकूलित इलेक्ट्रिक बस पुरवण्याविषयी करारनामा करण्यात आला. या करारामुळे नाशिककरांना सुरक्षित, आरामदायी, आधुनिक आणि पर्यावरणपूरक सार्वजनिक वाहतूक व्यवस्था उपलब्ध होणार आहे.  आगामी सिंहस्थ कुंभपर्वाच्या काळात लाखो भाविक आणि पर्यटक यांच्यासाठी वाहतूक व्यवस्थेला मोठा आधार मिळेल.