राजीव गांधी प्राणीसंग्रहालयातील वाहनतळाच्या ठेकेदाराकडून पर्यटकांची लूट होत आहे. नागरिकांना ठेकेदाराच्या दादागिरीला सामोरे जावे लागत आहे. चारचाकी वाहनासाठी प्रतिघंटा १४ रुपये शुल्क असतांना ३० रुपये, तर दुचाकीसाठी ३ रुपयांऐवजी १० रुपये शुल्क आकारले जाते.

सततच्या अतीवृष्टीमुळे श्रीक्षेत्र सज्जनगड येथील पायरी मार्गावरील तटबंदी कोसळली आहे. समर्थ महाद्वार ओलांडून गेल्यानंतर डाव्या हाताला पायरी मार्गावर काही वर्षांपूर्वीच ही तटबंदी करण्यात आली होती. याची दुरुस्ती तातडीने करण्यात यावी, अशी मागणी दुर्गप्रेमी आणि भाविक यांच्याकडून केली जात आहे.

स्वातंत्र्यांच्या अमृतमहोत्सवी वर्षाचे औचित्य साधून महापालिकेच्या वतीने शहरात विविध उपक्रम राबवले जात आहेत. त्याचाच एक भाग म्हणून महापालिकेचे पिंपरी येथील मुख्य प्रशासकीय भवन आणि सर्व क्षेत्रीय कार्यालयांमध्ये कामकाजाच्या दिवशी प्रतिदिन सकाळी १० वाजता राष्ट्रगीत लावले जाणार आहे.

गेल्या आठवड्यापासून कृष्णा नदीत रसायनयुक्त पाणी मिसळले गेल्याने कसबे डिग्रज परिसरात सहस्रो मासे मृत्यूमुखी पडल्याचे आढळून आले आहे. नदीला वाढलेले पाणी आणि पावसाच्या पाण्याचा लाभ घेऊन कारखान्यांनी रसायनयुक्त पाणी सोडल्याने मासे, तसेच अन्य जलचर जीव मृत्यूमुखी पडले आहेत.

कोल्हापूर जिल्हा परिषद आरोग्य विभागाचे सर्व वैद्यकीय अधिकार्‍यांचे वेतन गेल्या वर्षभरात कधीच वेळेवर झालेले नाही. सध्या नियमित वैद्यकीय अधिकार्‍यांपैकी ४० अधिकार्‍यांचे ‘मे’पासूनचे वेतन प्रलंबित आहे, तसेच कंत्राटी २५ वैद्यकीय अधिकार्‍यांना फेब्रुवारीपासूनचे वेतन मिळालेले नाही.

परीक्षांमध्ये घोडचुका करणार्‍या विद्यापिठातील संबंधितांना बडतर्फ करायला हवे !