Rajasthan Hindu Girl Gang Raped : राजस्थानमध्ये ५ मुसलमानांकडून एका हिंदु अल्पवयीन मुलीवर ४ वर्षे सामूहिक बलात्कार !

अजमेर (राजस्थान) – प्रतापनगर येथे ५ मुसलमानांनी एका हिंदु अल्पवयीन मुलीवर सामूहिक बलात्कार केला. धर्मांधांनी या कृत्याचा अश्लील व्हिडिओ बनवला. एवढेच नाही, तर आरोपींनी पीडित मुलीला अजमेर दर्ग्यात नेऊन तिचे धर्मांतर करण्याचा प्रयत्न केला. पीडित मुलीच्या वडिलांनी अब्दुल कादिर, त्याची पत्नी सोनिया, मेहुणा आदिल आणि त्याचे तीन मित्र समीर, आशिक आणि इम्रान यांच्याविरुद्ध पोलिसांत तक्रार प्रविष्ट (दाखल) केली आहे.

१. पीडितेच्या वडिलांनी तक्रारीत म्हटले आहे की, ते गेल्या ७ वर्षांपासून भिलवाडा येथील प्रतापनगरमध्ये पत्नी आणि मुलीसह रहात आहेत. त्यांच्या घरात अब्दुल कादिर, त्याची पत्नी आणि मेहुणा हे भाड्याने रहात होते.

२. पीडितेच्या वडिलांचा आरोप आहे की, अब्दुलने एप्रिल २०२२ मध्ये त्यांच्या १४ वर्षांच्या मुलीला बलपूर्वक त्याच्या खोलीत नेले आणि तिच्यावर बलात्कार केला. त्या काळात अब्दुलने पीडितेचा अश्लील व्हिडिओ बनवला. या वेळी अब्दुलची पत्नी सोनिया बाहेर पहारा देत होती.

३. सोनियाने अल्पवयीन मुलीवर तिचा भाऊ आदिलशी मैत्री करण्यासाठी दबाव आणला. तिला अपकीर्त करण्याची धमकी देण्यात आली. यानंतर ऑक्टोबर २०२३ मध्ये अब्दुलचा मेहुणा आदिल याने अल्पवयीन मुलीवर बलात्कार केला. त्यानंतर डिसेंबरमध्ये त्याने पुन्हा तिच्यावर बलात्कार केला.

४. जानेवारी २०२४ मध्ये, आदिलने त्याचा मित्र समीरला घरी बोलावले. समीरने पीडित मुलीवर बलात्कार केला. त्यानंतर दोघांनीही तिच्यावर सामूहिक बलात्कार केला. अशाप्रकारे अब्दुल, आदिल आणि त्याचा मित्र समीर प्रतिदिन अल्पवयीन मुलीला त्यांच्या खोलीत घेऊन जात आणि तिच्यावर बलात्कार करत.

५. समीरने त्याचा एक मित्र इम्रान याला आदिलच्या घरी आणले आणि त्यांनी अल्पवयीन मुलीवर सामूहिक बलात्कार केला. इम्रान त्याच्या मित्रांनाही सोबत आणू लागला.

६. ४ मार्च या दिवशी आरोपी अब्दुलने मुलीला त्याच्या खोलीत घेऊन जाण्याचा प्रयत्न केला; परंतु तिने स्वतःला सोडवून पळ काढला. कुटुंबियांनी सखोल चौकशी केल्यानंतर पीडित मुलीने संपूर्ण घटना तिच्या कुटुंबाला सांगितली. गेल्या ४ वर्षांपासून तिच्यावर होणार्‍या लैंगिक अत्याचाराची माहिती तिने दिली.

७. पीडितेच्या वडिलांनी ८ मार्च या दिवशी भाडेकरू अब्दुल कादिर, त्याची पत्नी सोनिया, मेहुणा आदिल आणि तीन मित्र यांच्याविरुद्ध पोलीस ठाण्यात तक्रार प्रविष्ट केली. तक्रारीच्या आधारे पोलिसांनी गुन्हा नोंदवून अन्वेषण चालू केले आहे.