‘इंस्टाग्राम’वर ओळख झालेल्या महिलेवर लैंगिक अत्याचार करणार्‍या २ धर्मांधांना अटक !

पुणे – ‘इंस्टाग्राम’वर (सामाजिक माध्यम) पीडित महिलेची तन्वीर शेख याच्याशी ओळख झाली. आरोपीने पीडितेला अपकीर्त करण्याची आणि तिच्या मुलाला जिवे मारण्याची धमकी देऊन संगमनेर आणि भंडारदरा येथे नेले. तिथे त्याने १४ मार्च या दिवशी साथीदार सोहेल शेखसह तिच्यावर लैंगिक अत्याचार केले. (पुन्हा कुणी असे कृत्य करण्यास न धजावण्यासाठी अशा नराधमांना शरीयतनुसार कठोर शिक्षा देण्याची कुणी मागणी केल्यास आश्चर्य वाटू नये. – संपादक) या प्रकरणी एम्.आय.डी.सी. पोलीस ठाण्यात गुन्हा नोंद करण्यात आला होता. गुन्हा नोंद झाल्यापासून आरोपी पसार झाले होते. या प्रकरणी अहिल्यानगरचे पोलीस अधीक्षक राकेश ओला आणि स्थानिक गुन्हे शाखेचे पोलीस निरीक्षक दिनेश आहेर यांनी समांतर तपास यंत्रणा राबवली. तपासाच्या वेळी आरोपी गोवा राज्यातून पुणे येथे गेल्याचे समजले. पुण्यात चंदननगर परिसरातून आरोपींना अटक करून तपासासाठी एम्.आय.डी.सी. (अहिल्यानगर) पोलीस ठाण्यात उपस्थित करण्यात आले आहे.