‘एकदा श्रीमती मनीषा गाडगीळ यांना ‘त्यांच्या वस्त्रावर पांढर्‍या रंगाचे गोल आणि काही ठिपके उमटले आहेत’, असे लक्षात आले. वस्त्राचा रंग फिकट बदामी (क्रीम कलर) असून त्यावर पांढर्‍या रंगाचे साधारण २ सें.मी. व्यासाचे ४ गोल, दीड सें.मी. व्यासाचे ३ गोल आणि ४२ ते ४५ पांढरे छोटे ठिपके आढळले. पांढर्‍या रंगाचे गोल आणि ठिपके यांच्याकडे पाहून ‘श्रीमती मनीषा गाडगीळ यांना जाणवलेली सूत्रे, तसेच सद्गुरु डॉ. मुकुल गाडगीळ यांना जाणवलेली सूक्ष्मातील वैशिष्ट्ये’ यांविषयीची माहिती येथे दिली आहे.
१. पांढर्‍या रंगाच्या गोलांकडे पाहून जाणवलेली सूत्रे
अ. ‘पांढर्‍या गोलांकडे पाहून मला पुष्कळ चांगली स्पंदने जाणवली.
आ. मी ते वस्त्र ४ – ५ वेळा वापरले आणि कपडे धुण्याच्या ब्रशने घासून धुतले, तरीही त्यावर उमटलेले पांढर्‍या रंगाचे गोल पुसले गेले नाहीत.
इ. वस्त्र परिधान केल्यावर मला माझा देह पुष्कळ हलका वाटत होता, तसेच काही वेळा चालतांना ‘माझा देह तरंगत आहे’, असे मला वाटत होते.
ई. माझा आनंद आणि उत्साह यांत वाढ झाली.
सद्गुरु डॉ. मुकुल गाडगीळ यांना मी पांढर्‍या रंगाचे गोल आणि ठिपके यांविषयी सांगितले. तेव्हा त्यांनी त्यांचे परीक्षण केले. ते पुढे दिले आहे. सूक्ष्मातील कळण्याचे अफाट सामर्थ्य असणार्‍या सद्गुरु डॉ. मुकुल गाडगीळ यांच्याबद्दल मला पुष्कळ कृतज्ञता वाटली.
‘सच्चिदानंद परब्रह्म डॉक्टर, ‘आपण सर्व साधकांची स्थुलातून आणि सूक्ष्मातूनही किती काळजी घेता’, हे मला प्रत्यक्ष अनुभवता आले. सद्गुरु डॉ. मुकुल गाडगीळ यांच्यासारखे सद्गुरुरूपी रत्न आम्हाला दिले’, त्याबद्दल आपल्या चरणी कोटीशः कृतज्ञता !’
– श्रीमती मनीषा गाडगीळ (आध्यात्मिक पातळी ६७ टक्के, वय ६२ वर्षे) सनातन आश्रम, रामनाथी, गोवा. (२८.९.२०२४)
२. सद्गुरु डॉ. मुकुल गाडगीळ यांनी वस्त्रावर उमटलेले पांढर्‍या रंगाचे गोल आणि काही ठिपके यांचे केलेले सूक्ष्म परीक्षण आणि त्यांना जाणवलेली सूक्ष्मातील वैशिष्ट्ये
२ अ. ‘वस्त्रावर उमटलेले पांढर्‍या रंगाचे गोल आणि पांढर्‍या रंगाचे ठिपके हे श्रीमती मनीषा गाडगीळ यांच्या रक्षणासाठी आले असणे
‘मी श्रीमती मनीषा गाडगीळ यांचे वस्त्र हातात घेऊन पाहिल्यावर मला पुढीलप्रमाणे जाणवले.
१. ‘श्रीमती गाडगीळ यांच्या वस्त्रावरील समोरच्या बाजूला खालपासून वर एक ते दीड फुटाच्या भागात पांढरे ठिपके आले आहेत. यातून ‘ईश्वर आपल्याला एखाद्या वस्तूच्या आवश्यक त्या भागात अनुभूती देतो’, हे मला शिकायला मिळाले. यातून ईश्वराचा काटकसरीपणाही लक्षात आला.
२. पांढर्‍या गोलातून चांगली स्पंदने येत आहेत.
३. हे पांढर्‍या रंगांचे गोल आणि ठिपके श्रीमती मनीषा गाडगीळ यांच्या रक्षणासाठी आले आहेत.
४. मी वस्त्रावर हात धरल्यावर माझा संपूर्ण देह हलका झाला आणि माझ्या देहाचे अस्तित्व उणावले.
५. ‘माझे ब्रह्मरंध्र जागृत ज्ञाले आणि ब्रह्मरंध्रातून ईश्वरी प्रवाह आत शिरत आहे’, असे मला जाणवले.
६. पांढर्‍या गोलांकडे पाहून मला आनंद जाणवला. त्या गोलांच्या भोवती गुलाबी कडा आली आहे. ती ‘प्रीतीची आहे’, असे मला जाणवले.’
– सद्गुरु डॉ. मुकुल गाडगीळ, पीएच्.डी., महर्षि अध्यात्म विश्वविद्यालय, गोवा. (२५.९.२०२४)
|
परात्पर गुरु डॉ. आठवले यांनी सूक्ष्म-चित्रे काढणार्या विदेशी साधिकेला ‘तुम्हाला हिदु देवतांची नावे आणि त्यांच्या कथा यांविषयी इतके ज्ञान कसे आहे ?’, असा प्रश्न विचारल्यावर साधिकेचे झालेले चिंतन
महत्भाग्याने गुरु भेटतात ।
साधना आणि सेवा करत असतांना रत्नागिरी येथील सौ. कल्याणी संतोष धनावडे यांनी अनुभवलेली गुरुकृपा !
दैनिक सनातन प्रभातच्या ‘वाचकवृद्धी’ मोहिमेअंतर्गत सेवा करतांना ‘देवच देवाचे कार्य करतो’, याची घेतलेली प्रचीती !
‘स्कंद षष्ठी’च्या दिवशी देवतांचा सेनापती कार्तिकेयाचे वाहन असलेला मोर आणि श्री तनोटमाता यांचे दर्शन होणे
पिया तोरी शरण मांगू ।