‘परमपूज्‍य डॉ. जयंत आठवले यांचा आणि माझा परिचय ४० वर्षांपासून आहे. वेगवेगळ्‍या निमित्ताने आम्‍ही एकत्र आलो. त्‍यांचे हे कार्य चालू झाल्‍यापासून मी पहात आहे. प.पू. भक्‍तराज महाराज (परात्‍पर गुरु डॉ. जयंत आठवले यांचे गुरु तथा सनातन संस्‍थेचे श्रद्धास्‍थान) यांच्‍याशीही माझा परिचय होता. इंदूर (मध्‍यप्रदेश) येथे दत्तजयंतीला नाना महाराज तराणेकर (मध्‍यप्रदेशातील दत्तावतारी संत) यांच्‍याकडे मी अनेक वर्षांपासून जात असे. तेथे अनेकदा प.पू. भक्‍तराज महाराज यांची भजने आणि प्रवचने ऐकण्‍याचा योग मला लाभला. प.पू. भक्‍तराज महाराज यांचे शिष्‍य या दृष्‍टीने विचार केला, तर डॉ. जयंत आठवले यांनी त्‍यांच्‍याकडून भक्‍तीचा मार्ग उत्तम प्रकारे प्राप्‍त केला आहे. केवळ प्राप्‍त केला नाही, तर ‘जे जे आपणासी ठावे । ते ते इतरांसी सांगावे । शहाणे करून सोडावे । सकळ जन ।’ या समर्थांच्‍या उक्‍तीप्रमाणे त्‍यांनी त्‍यांचे अवघे आयुष्‍यच या कार्यासाठी वेचले आणि सनातन संस्‍थेचा डोलारा उभा केला. तेव्‍हापासून त्‍यांनी आजतागायत सनातन संस्‍थेच्‍या माध्‍यमातून अतिशय मौलिक कार्य केले आहे.
अनेक जण स्‍वतःला ‘हिंदुत्‍वनिष्‍ठ’ म्‍हणवतात. अभिमानाने ‘हिंदुत्‍ववादी’ म्‍हणून मिरवतात; पण ते स्‍वतः धर्मनिष्‍ठ नसल्‍याने त्‍यांना धर्मशास्‍त्राची जाण नसते. धर्माच्‍या आज्ञा काय आहेत ? ‘वेद, उपनिषदे, पुराणे, भागवत, रामायण, महाभारत आणि शास्‍त्र काय सांगतात ?’, हे अशा हिंदुत्‍वनिष्‍ठांना माहीत नाही. त्‍यामुळे हिंदूंना धर्मशिक्षण देणे अत्‍यावश्‍यक आहे. ‘वेद शास्‍त्र नाही पुराण प्रमाण । तयाचें वदन नावलोका’ या उक्‍तीप्रमाणे ‘वेद-शास्‍त्र ज्‍यांना प्रमाण वाटतच नाहीत, अशांचे तोंड बघू नये’, असे संत तुकाराम महाराज यांनी सांगितले आहे. असे अनेक जण आहेत, जे वेद-शास्‍त्र प्रमाण मानत नाहीत; पण स्‍वतःला हिंदुत्‍वनिष्‍ठ समजतात. अशा स्‍थितीत ग्‍लानी आलेल्‍या धर्माला अखंड तेजतत्‍व देण्‍याचे काम डॉ. जयंत आठवले आणि सनातन संस्‍था यांनी केले आहे. परमपूज्‍य डॉ. जयंत आठवले यांना ८१ वर्षे पूर्ण होत आहेत आणि ‘अद्यापही ते पूर्वी इतक्‍याच ताजेपणाने कार्यरत आहेत’, असे वाटते. यांमुळे ‘परमेश्‍वराची त्‍यांच्‍यावर अखंड कृपा आहे’, हेही स्‍पष्‍ट जाणवते. त्‍यांच्‍या जन्‍मोत्‍सवानिमित्त खूप खूप शुभेच्‍छा !’
(२१.४.२०२३)
भगवंताचे मानवी जीवनातील अद्वितीय महत्त्व !
रामनाथी (गोवा) येथील सनातनच्या आश्रमात आल्यावर सेवेच्या माध्‍यमातून स्वतःत पालट करणारा चेन्नई येथील श्री. हिमनीश बालाजी कोल्ला !
पू. भगवंत मेनरायकाका (वय ८५ वर्षे) यांच्या सेवेसाठी गेल्यावर लक्षात आलेली सूत्रे आणि आलेली अनुभूती
‘सच्चिदानंद परब्रह्म डॉ. आठवले यांचे ‘वयाच्या ८० व्या वर्षी भक्तीयोगाची साधना चालू झाली’, हे उद्गार आणि त्याचा पू. संदीप आळशी यांनी सांगितलेला गर्भितार्थ !’, या लेखाच्या संदर्भात मिळालेले सूक्ष्म स्तरीय ज्ञान आणि आलेली अनुभूती
गुरुदेवांची कृपावृष्टी !
अध्यात्मविहीन विध्वंसक विज्ञानावर ‘साधना’च आहे उत्तर !