पणजी, ५ एप्रिल (वार्ता.) – राज्यशासनाने ५ एप्रिल या दिवशी नवीन मोटर वाहन कायदा अधिसूचित केला असून, त्याची कार्यवाही १६ एप्रिल २०२१ पासून केली जाणार आहे. केंद्राच्या या नवीन मोटर वाहन कायद्याची कार्यवाही प्रारंभी कोरोना महामारी आणि नंतर राज्यातील रस्त्यांची खालावलेली स्थिती यांमुळे पुढे ढकलण्यात आली होती. अखेर राज्यशासनाने हा कायदा लागू करण्याचा निर्णय घेतला आहे. नवीन मोटर वाहन कायद्यातील काही महत्त्वाच्या तरतुदी पुढीलप्रमाणे आहेत.
१. दुचाकी किंवा तीन चाकी चालवतांना भ्रमणभाषवर बोलतांना आढळणे – पहिल्या वेळी गुन्हा झाल्यास १ सहस्र ५०० रुपये दंड आणि दुसर्‍या वेळी किंवा त्याहून अधिक वेळा गुन्हा झाल्यास प्रत्येक वेळी १० सहस्र रुपये दंड
२. इतर ‘लाईट मोटर व्हेइकल’ चालवतांना भ्रमणभाषवर बोलतांना आढळणे – पहिल्या वेळी गुन्हा झाल्यास ३ सहस्र रुपये दंड आणि दुसर्‍या वेळी किंवा त्याहून अधिक वेळा गुन्हा झाल्यास प्रत्येक वेळी १० सहस्र रुपये दंड
३. सेफ्टी बेल्ट न घालता गाडी चालवणे – १ सहस्र रुपये दंड
४. रुग्णवाहिका, अग्नीशमन दलाचा पाण्याचा बंब आदी आपत्कालीन सेवेला वाट मोकळी करून न देणे – १० सहस्र रुपये दंड
५. विनाकारण आणि सातत्याने ‘हॉर्न’ वाजवणे – १ सहस्र रुपये
६. सार्वजनिक ठिकाणी वाहनांची शर्यत लावणे – ५ सहस्र रुपये
७. सर्वाधिक गतीपेक्षा अधिक गतीने वाहन चालवणे – १ सहस्र ५०० रुपये
ऐतिहासिक वास्तू खराब करणार्यांना ५ वर्षांपर्यंत शिक्षा ! – डॉ. नीलम गोर्हे
पुणे जिल्हा परिषदेने २ सहस्र ५०० मुलींना स्वसंरक्षणाचे प्रशिक्षण देण्यास चालू केले !
राज्यातील ८८४ खासगी ‘नर्सिंग होम्स’च्या परवान्यांचे नूतनीकरण नाही !
राज्यातील बसस्थानकांचा कायापालट करणार ! – प्रताप सरनाईक, परिवहनमंत्री
संपादकीय : ‘मैत्री’सह ‘परराष्ट्रनीती’ही जोपासा !
राजकोट (मालवण) येथे छत्रपती शिवाजी महाराज यांचा नवीन पुतळा उभारण्याच्या कामाला प्रारंभ