कार्तिक पौर्णिमेनिमित्त पन्हाळा तालुक्यातील श्री जोतिबा डोंगरावर श्री जोतिबा देवाच्या दर्शनासाठी महाराष्ट्र, कर्नाटक येथून लाखाहून अधिक भाविक आले होते. यामुळे डोंगरावर यात्रेचेच स्वरूप प्राप्त झाले होते. ‘चांगभल’च्या घोषणेने डोंगर दणाणून गेला.

पुण्यातील बांधकाम व्यावसायिक अविनाश भोसले यांची विदेशी चलन प्रकरणात अंमलबजावणी संचालनालयाकडून (ईडी) चौकशी करण्यात आली आहे. १० घंटे ही चौकशी करण्यात आल्याचे वृत्त आहे. याविषयी अंमलबजावणी संचालनालयाने अद्याप अधिकृतरित्या काहीही सांगितलेले नाही.

१०० युनिटपर्यंत वीज विनामूल्य देण्याचा पुनरुच्चार ऊर्जामंत्री डॉ. नितीन राऊत यांनी त्यांच्या वर्षपूर्ती अहवालात केला आहे. राज्य सरकारला एक वर्ष होत असल्याने राऊत यांनी अहवाल सादर केला आहे.