महाराष्ट्र प्रदेश काँग्रेसचे अध्यक्ष नाना पटोले यांचा सिंधुदुर्ग जिल्हा दौरा 

सिंधुदुर्ग – काँग्रेसचे महाराष्ट्र प्रदेशाध्यक्ष आमदार नानाभाऊ पटोले ‘तौक्ते’ वादळामुळे झालेल्या हानीची पहाणी करण्यासाठी २३ मे या दिवशी सिंधुदुर्ग जिल्ह्याच्या दौर्‍यावर येणार आहेत. या वेळी ते देवगड, मालवण, वेंगुर्ला या समुद्रकिनारपट्टीवरील तालुक्यांतील हानीग्रस्त भागांना भेट देऊन पहाणी करणार आहेत, तसेच हानीग्रस्त नागरिकांशी चर्चाही करणार आहेत. त्यांच्यासमवेत काँग्रेसचे आमदार माणिकराव जगताप, सिंधुदुर्ग जिल्हा काँग्रेसचे अध्यक्ष बाळासाहेब गावडे, कार्याध्यक्ष विलास गावडे आणि स्थानिक पदाधिकारी उपस्थित रहाणार आहेत.