लवकरच भारतात परतणार ! – ‘सिरम’चे अदार पूनावाला यांचे आश्‍वासन

लंडन – सहकुटुंब लंडन येथे गेलेले पुण्यातील ‘सिरम इन्स्टिट्यूट’चे मुख्य कार्यकारी अधिकारी अदार पूनावाला यांनी लवकरच भारतात परतणार असल्याचे आश्‍वासन दिले आहे. एक दिवस आधी त्यांनी कोरोना लसीवरून भारतातील काही नेत्यांकडून ठार मारण्याच्या धमक्या देण्यात येत असल्याचा आरोप केला होता. सिरमकडून ‘कोविशील्ड’ लसीचे उत्पादन करण्यात येत आहे.

SII CEO Adar Poonawalla has said he will return to India from London in a few days. He made the announcement soon after he spoke out about the pressures he was under over the production of #COVID19 vaccines to meet the ever-increasing demand in #Indiahttps://t.co/5qCbdlLtNz

— The Hindu (@the_hindu) May 2, 2021

अदार पूनावाला यांनी सांगितले की, आमच्या भागीदारासमवेत ब्रिटनमध्ये झालेली बैठक यशस्वी ठरली आहे. मी लवकरच भारतात परतणार आहे. लसीच्या उत्पादनाची पहाणी करणार आहे.

सत्य बोललो, तर माझा शिरच्छेद केला जाईल !

मुख्यमंत्र्यांसह मोठ्या लोकांकडून धमक्या

Adar Poonawalla told UK’s The Times in an interview about receiving aggressive calls from some of the most powerful people in India, demanding supplies of Covishield#Poonawalla#Covishieldhttps://t.co/4PpBzr89DE

— Business Standard (@bsindia) May 1, 2021

अदार पूनावाला यांनी लंडन येथील एका दैनिकाला दिलेल्या मुलाखतीत म्हटले होते की, मला दूरभाष करून लोक धमक्या देत आहेत. विशेष म्हणजे हे दूरभाष भारतातील प्रभावशाली व्यक्तींकडून केले जात आहेत. यांत मुख्यमंत्री, ‘इंडस्ट्री चेंबर्स’चे प्रमुख आणि इतर अनेक मोठ्या लोकांचा समावेश आहे. हे सगळेच मला दूरभाष करून तात्काळ लस पुरवठा करण्याची मागणी करत आहेत. सत्य बोललो, तर माझा शिरच्छेद केला जाईल.

सर्व लोकांना वाटते, ‘लस सर्वप्रथम मला मिळावी;’ परंतु लोकांनी अशाप्रकारे धमकी देणे समजण्यापलीकडे आहे. भारतात माझ्यावर लस पुरवण्याविषयी प्रचंड दबाव आहे. लोक अशी अपेक्षा करतील, असे वाटले नव्हते.