श्री महालक्ष्मीदेवी, जोतिबासह मुख्य मंदिरांतील दर्शनाची वेळ वाढवली

कोल्हापूर – करवीरनिवासिनी श्री महालक्ष्मीदेवी, श्री जोतिबादेव, श्री दत्त भिक्षालिंग स्थानासह सर्व मंदिरांतील दर्शन वेळेत पुन्हा वाढ करण्यात आली आहे. ११ डिसेंबरपासून त्याची कार्यवाही चालू झाली आहे. नवीन वेळ सकाळी ७ ते दुपारी २ आणि दुपारी ४ ते रात्री ८ वाजेपर्यंत वाढवण्याचा निर्णय पश्‍चिम महाराष्ट्र देवस्थान व्यवस्थापन समितीच्या बैठकीत घेण्यात आला आहे. याचसमवेत भाविकांना मंदिरात ओटी साहित्य नेण्याची मुभा देण्यात आली. या निर्णयामुळे भाविकांनी समाधान व्यक्त केले आहे.