ठाणे महानगरपालिकेतील स्थावर मालमत्ता विभागातील लाचखोर लिपीक कह्यात

ठाणे, ४ डिसेंबर (वार्ता.) – तक्रारदार दलालाने मानपाडा येथील ‘दोस्ती इम्पेरियर’ या गृहसंकुलातील सदनिका बारमध्ये काम करणार्‍या मुलीला घेऊन दिली होती. त्याच्यावर नियमानुसार कारवाई न करण्यासाठी ठाणे महानगरपालिकेतील स्थावर मालमत्ता विभागातील लिपीक हेमंत गायकवाड (वय ३३ वर्षे) यांनी १० सहस्र रुपयांच्या लाचेची मागणी केली. ही लाचेची रक्कम घेतांना ठाणे लाचलुचपत प्रतिबंधक विभागाने गायकवाड यांना सापळा रचून कह्यात घेतले आहे. (अशा लाचखोरांची सर्व संपत्ती जप्त करून कठोर कारवाई करायला हवी. – संपादक)