‘अविश्वसनीय ! अवर्णनीय ! अद्भुत ! सनातनच्या रामनाथी आश्रमाचे शब्दांमध्ये वर्णन करणे अत्यंत कठीण आहे. येथे सगळीकडे चैतन्यच चैतन्य प्रक्षेपित होत असल्याचे जाणवते. प्रत्येक ठिकाणी गुरुदेवांचे (सच्चिदानंद परब्रह्म डॉ. आठवले यांचे) अस्तित्व अनुभवायला मिळते. भूलोकावर असे दुसरे ठिकाणच नाही. हा आश्रम पाहून मी धन्य धन्य झाले. कृतज्ञता !

‘रामनाथी आश्रमाला भेट देणे’, हा एक दैवी संकेत आहे. ‘सकल हिंदु राष्‍ट्राच्‍या निर्मितीचे उद़्‍गाते सच्‍चिदानंद परब्रह्म डॉ. आठवले यांनी उभारलेल्‍या या संकल्‍प मंदिराला भेट द्यायला मिळणे’, हीच गुरुमाऊलींची अपार कृपा आहे.

‘मी आश्रमात प्रथमच आलो आहे. मला आश्रमातील सकारात्मक ऊर्जेचा अनुभव आला. माझ्यातील नकारात्मक विचार आणि स्पंदने काही प्रमाणात शरिरातून बाहेर पडतांना जाणवली. मला माझ्या पाठीवर आणि कानात कंपने जाणवली.

मी आतापर्यंत पाहिलेल्‍या ठिकाणांपैकी सर्वांत शांतता असलेले ठिकाण, म्‍हणजे हा आश्रम आहे. ‘आश्रमाला भेट देता येणे’, ही माझ्‍यासाठी सन्‍मानाची गोष्‍ट आहे’, असे मला वाटले.