Hanuman Jayanti In Pakistan : पाकमधील कराचीत हनुमान जयंतीनिमित्त निघाली मिरवणूक !

कराची (पाकिस्तान) – येथे १५ एप्रिल या दिवशी हनुमान जयंतीनिमित्त ‘जय श्रीराम’ आणि ‘जय हनुमान’ अशा घोषणा देत मिरवणूक काढण्यात आली. ही मिरवणूक अनेक मशिदींसमोरून गेली; मात्र कुठेही त्यावर आक्रमण किंवा दगडफेक झाली नाही. या मिरवणुकीत मोठ्या प्रमाणात महिलाही सहभागी झाल्या होत्या.

कराचीत आहे १ सहस्र ५०० वर्षे जुने मंदिर

हनुमान जयंतीला कराचीतील सहस्रावधी हिंदू १ सहस्र ५०० वर्षे जुन्या पंचमुखी हनुमान मंदिरात दर्शनासाठी आले होते. मंदिरात ध्वजारोहण करण्यासाठी येणार्‍या हिंदूंची या मंदिरावर पुष्कळ श्रद्धा आहे. हनुमान जयंतीनिमित्त सहस्रो लोक झेंडे घेऊन कराचीच्या रस्त्यांवर पोचले.