कुंभमेळ्यात साधू संत आणि आखाडे यांच्याद्वारे केले जाणारे शाहीस्नान (अमृतस्नान), हे कुंभमेळ्यातील सर्वात महत्त्वपूर्ण अनुष्ठानांपैकी एक आहे. आता याचे नाव पालटून ‘अमृतस्नान’ करण्यात आले आहे.

हिंदु धर्मामध्ये धर्मग्रंथ हे केवळ पवित्र ग्रंथ नाहीत, तर ते जीवनाविषयीचे मार्गदर्शन, आत्म्याची शुद्धी आणि मोक्षप्राप्ती यांचे साधन आहेत. सनातन धर्मातील सर्वांत भव्य असलेला कुंभमेळा हा या ग्रंथातील शिकवणीचे सार आणि सजीव उत्सव आहे.