हडपसर येथील ३ मजली इमारतीला भीषण आग !

हडपसर (जिल्हा पुणे) – येथील वैभव टॉकीजजवळील ३ मजली इमारतीला १५ नोव्हेंबर या दिवशी भीषण आग लागली. ही घटना जुन्या इमारतीत घडली आणि अनेक रहिवासी आत अडकले होते. या घटनेची माहिती मिळताच अग्नीशमनदल घटनास्थळी येऊन त्यांनी नागरिकांना सुखरूप बाहेर काढले. आग पूर्णपणे आटोक्यात आली असून कोणतीही जीवितहानी झाली नाही. ही आग नेमकी कशामुळे लागली ? हे अद्याप समजू शकलेले नाही. या घटनेचा व्हिडिओ सामाजिक माध्यमांवर प्रसारित झाला आहे.