नवी मुंबई – अयोध्या येथे श्रीराममूर्तीच्या प्राणप्रतिष्ठापना सोहळ्यानिमित्त आशिया खंडातील सर्वांत मोठी बाजारपेठ ओळखल्या जाणार्या मुंबई कृषी उत्पन्न बाजार समितीच्या विविध बाजारपेठांमध्ये व्यापारी संघटनांच्या वतीने धार्मिक कार्यक्रमांचे आयोजन करण्यात आले आहे.
१. भाजीपाला बाजारपेठेत २१ जानेवारीला सकाळी ८ वाजता रामायणकथा प्रारंभ, दुपारी १२ वाजता फराळवाटप, सायंकाळी ७ ते रात्री ९ या वेळेत प्रसादवाटप होणार आहे.
२. २२ जानेवारी या दिवशी सकाळी रामायणकथा समाप्तीनंतर १० वाजता होम-हवन, ११ ते ११.३० वाजता महाआरती, दुपारी १२ ते २ या वेळेत श्री प्रभुरामाच्या प्रतिमेची रथयात्रा (फळ मार्केट आणि भाजी मार्केट), दुपारी १२.३० ते ३ पर्यंत महाप्रसाद असेल.
कार्यक्रमाचे आयोजक घाऊक भाजीपाला व्यापारी महासंघ, अग्रहरी समाज विकास सेवा संस्था, उडान सामाजिक संस्था हे आहेत.
मसाला मार्केटमध्ये मार्केटचे संचालक आणि युवा सेवा संघ ट्रस्ट यांच्या वतीने लक्ष्मीनारायण मंदिरामध्ये १६ ते २१ जानेवारीपर्यंत भजन, त्यानंतर ६.३० वाजता महाआरती होणार आहे. २२ जानेवारीला दुपारी २ ते ४ सुंदरकांड पाठ, ५६ भोग दर्शन, महाआरती, महाप्रसादाचे आयोजन करण्यात आले आहे. कांदा-बटाटा बाजारपेठेमध्ये महाआरती आणि अन्य धार्मिक कार्यक्रमाचे आयोजन करण्यात आले असल्याची माहिती व्यापारी संघाचे अध्यक्ष संजय पिंगळे यांनी दिली.
भंडारा येथे अन्न आणि औषध प्रशासनाची २ औषध प्रतिष्ठानांवर कारवाई !
राज्याचे ‘क्वांटम’ आणि ‘डीप टेक’ धोरण लवकरच आणण्यात येणार ! – मुख्यमंत्री
यवत (पुणे) येथे विनाअनुमती गर्भलिंग निदान करणारा मुख्य सूत्रधारास अटक !
मुलीला मारल्याची न्यायबाह्य स्वीकृती आरोपीने दिली होती ! – ग्रामस्थाने दिली साक्ष
पाकिस्तानशी संबंधित ‘रील्स’ पाहिल्यामुळे अहिल्यानगर येथील तरुणांची चौकशी !
वाढत्या वायू प्रदूषणामुळे पुढील ३० वर्षांत २ अंशांपर्यंत तापमानवाढीचे संकट !