१. ‘सद्गुरु अनुराधा वाडेकर यांच्या ठिकाणी विराट रूपातील श्री दुर्गादेवी आहे’, असे जाणवणे
नोव्हेंबर आणि डिसेंबर २०२१ मध्ये काही दिवसांसाठी सद्गुरु (सुश्री (कु.)) अनुराधा वाडेकर रामनाथी, गोवा येथील आश्रमात आल्या होत्या. त्या वेळी मला त्यांची सेवा करण्याची संधी मिळाली. एकदा त्यांच्या खोलीत सेवेसाठी जाण्यापूर्वी मी दाराजवळ उभी राहून प्रार्थना करत होते. त्या वेळी मला जाणवले, ‘सद्गुरु अनुताईंच्या ठिकाणी साक्षात् श्री दुर्गादेवी विराट रूपात आहे.’
२. सद्गुरु अनुताईंच्या पायांना मर्दन करतांना साधिकेला ‘सद्गुरु अनुताईंचे चरण म्हणजे श्री दुर्गादेवीचेच चरण आहेत’, असे जाणवून कोणतेही शारीरिक त्रास न होता चैतन्य आणि आनंद मिळणे
सद्गुरु अनुताईंच्या पायांना मर्दन (मालीश) करण्याची सेवा मला मिळाली होती. सेवेपूर्वी प्रार्थना करतांना मला जाणवले, ‘सद्गुरु ताईंचे चरण म्हणजे श्री दुर्गादेवीचेच चरण असून मी श्री दुर्गादेवीच्या चरणांची सेवा करत आहे.’ सद्गुरु अनुताईंचे पाय दाबत असतांना मला वाकावे लागायचे, तरीही मला कंबर किंवा पाय या ठिकाणी कधीही वेदना जाणवल्या नाहीत. अन्य वेळी थोडी सेवा केली, तरी मला थकवा येतो. सद्गुरु अनुताईंकडून चैतन्य मिळत असल्यामुळे मला त्यांच्या सेवेत असतांना कधीही शारीरिक त्रास जाणवले नाहीत. ‘सद्गुरु अनुताईंच्या माध्यमातून श्री दुर्गादेवीनेच मला चैतन्य आणि आनंद दिला’, असे वाटले.
३. सद्गुरु अनुताईंची सेवा झाल्यावर मनात आलेला विचार आणि परात्पर गुरु डॉक्टरांनी सूक्ष्मातून दिलेला दृष्टीकोन !
सद्गुरु अनुताईंच्या सेवेचा कालावधी संपल्यावर माझ्या मनात विचार आला, ‘आता मला सद्गुरु अनुताईंकडे जाता येणार नाही.’ नंतर काही वेळाने परात्पर गुरु डॉ. आठवले यांनी सूक्ष्मातून मला सांगितले, ‘असा विचार करण्यापेक्षा ‘आतापर्यंत सद्गुरु अनुराधा वाडेकर यांची सेवा करायला मिळाली’, हेच भाग्य आहे’, असा विचार कर आणि त्यासाठी कृतज्ञ रहा.’ त्यानंतर सद्गुरु अनुताईंच्या सेवेतील क्षण आठवून मला पुष्कळ आनंद मिळाला.
श्री दुर्गादेवीच्या कृपेनेच मला सद्गुरु अनुताईंच्या सेवेची संधी मिळाली. त्याबद्दल श्री दुर्गादेवीच्या चरणी कोटीशः कृतज्ञता !’
– कु. किरण रवींद्र व्हटकर (वय २० वर्षे), सनातन आश्रम, रामनाथी, गोवा. (३.१२.२०२१)
साधिकेला सद्गुरु अनुराधा वाडेकर यांच्या जागी श्री दुर्गादेवीचे अस्तित्व जाणवण्याचे कारण
‘सनातनच्या साधक-चित्रकार’ म्हणून कु. अनुराधा वाडेकर (आताच्या सद्गुरु अनुराधा वाडेकर) यांनी साधनेला आरंभ केला. वर्ष २००३ मध्ये त्यांनी श्री दुर्गादेवीचे चित्र रेखाटले आहे. श्री दुर्गादेवीप्रती असलेल्या त्यांच्या भावामुळे ७.५.२००३ या दिवशी पाच घंटे ‘श्री दुर्गादेवी जणू सूक्ष्मातून आपल्यासमोर उभी आहे’, असे त्यांना जाणवत होते. त्या वेळी देवीच्या शरिराचा एकेक भाग कु. अनुराधा वाडेकर यांना जसा दिसत होता, त्याप्रमाणे त्यांनी तो रेखाटण्यास आरंभ केला. शेवटी देवीचे दशभुजा रूपातील चित्र पूर्ण झाले. वर्ष २००५ मध्ये त्या चित्रात काळानुसार आवश्यक असलेले पालट करून श्री दुर्गादेवीचे अष्टभुजा रूपातील चित्र सद्गुरु अनुराधा वाडेकर यांनी रेखाटले. त्यांच्यामध्ये श्री दुर्गादेवीप्रती भाव आणि भक्ती असल्यामुळे साधिकेला सद्गुरु अनुराधा वाडेकर यांच्या ठिकाणी श्री दुर्गादेवीचे अस्तित्व जाणवून अनुभूती आल्या.’ – संकलक
|
कर्नाटकातील श्री. सांतप्पा गौडा (वय ८१ वर्षे), श्रीमती कमलम्मा (वय ८१ वर्षे) आणि सौ. शशिकला किणी (वय ७८ वर्षे) संतपदी विराजमान !
विवाहसोहळा नव्हे, श्री गुरूंनी अनुभवण्यास दिलेला भावसोहळाच !
‘आध्यात्मिक आई’ होऊन साधकांची काळजी घेणार्या आणि गुरुसेवेचा अखंड ध्यास असलेल्या मथुरा सेवाकेंद्रातील ६१ टक्के आध्यात्मिक पातळीच्या कु. मनीषा माहुर (वय ३० वर्षे) !
क्षणोक्षणी जाणीव देवाची ।
देवाची आवड असलेली ५१ टक्के आध्यात्मिक पातळीची आणि उच्च स्वर्गलोकातून पृथ्वीवर जन्माला आलेली वरळी, मुंबई येथील कु. अभिज्ञा अभिषेक मुरुकटे (वय ९ वर्षे) !
सेवेची तळमळ असणारी आणि साधकांना सेवेत साहाय्य करणारी फोंडा (गोवा) येथील कु. वैदेही राजेंद्र शिंदे (वय ३१ वर्षे) !