रामनाथी (गोवा) येथील सनातनच्या आश्रमाला भेट दिल्यावर मान्यवरांनी दिलेले अभिप्राय

१. श्री. शिवराम शंकर परब, केरवडे (ता. कुडाळ), जि. सिंधुदुर्ग. 

अ. ‘आश्रम पाहून पुष्कळ समाधान वाटले. येथील स्वच्छता आणि नीटनेटकेपणा चांगला होता.

आ. ‘हा आश्रम जणू काही श्रीविष्णु किंवा श्रीराम यांचे मंदिर आहे’, असे मला वाटत होते. येथे साधूसंत आणि देवता यांचे सूक्ष्मातून चांगल्या प्रकारे दर्शन झाले. संपूर्ण परिसरातील वातावरण सुगंधित होते.’

 २. श्री. सतीश भांडारकर, मु.पो. भोईचे केरवडे (ता. कुडाळ), जिल्हा सिंधुदुर्ग. 

अ. ‘आश्रम पहातांना प्रत्येक ठिकाणी ईश्वरी चैतन्याची अनुभूती आली. माझ्या मनाला पुष्कळ आनंद वाटला.

आ. ‘मी प्रत्यक्ष वैकुंठात आहे’, असे मला वाटत होते.

इ. आश्रमातील स्वागतकक्षात श्रीकृष्णाचे एक चित्र लावलेले आहे. त्या चित्रात ‘श्रीकृष्णाच्या हातात असलेले सुदर्शनचक्र प्रत्यक्ष फिरत आहे’, असे मला जाणवत होते.’